2 Samuel 2:6

Ang Biblia 2011

Karon ang Ginoo magpakita unta ug gugmang walay paglubad ug pagkamatinumanon nganha kaninyo! Ug ako magbuhat ug maayo nganha kaninyo kay kamo naghimo niining butanga.

Cross References

2 Samuel 10:2

Ug si David miingon, “Ako magpakita ug kaayo kang Hanun nga anak ni Nahas, ingon nga ang iyang amahan nagpakita ug kaayo kanako.” Busa gipaadto ni David ang iyang mga sulugoon aron sa paglipay kaniya mahitungod sa iyang amahan. Ug ang mga sulugoon ni David miabot sa yuta sa mga Amonihanon.

2 Samuel 15:20

Ikaw miabot kagahapon pa lamang, himoon ba nako niining adlawa nga ikaw motungas ug molugsong uban kanamo, sa nakita nga ako moadto diin ako wala mahibalo? Pauli ug dad-a ang imong mga kaigsoonan, ang gugmang walay paglubad ug pagkamatinud-anon mag-uban unta kanimo.”

2 Samuel 2:7

Busa karon lig-ona ang inyong mga kamot, ug pagmaisogon kamo kay si Saul nga inyong agalon patay na, ug ang banay ni Juda nagdihog kanako nga hari nila.”

2 Samuel 9:3

Ug ang hari miingon, “Wala na bay bisan usa sa balay ni Saul, aron ako makapakita sa kaluoy sa Dios ngadto kaniya?” Ug si Ziba miingon sa hari, “Si Jonatan may usa pa ka anak nga lalaki nga piang ang mga tiil.”

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

Salmo 57:3

Siya magpadala gikan sa langit ug magluwas kanako, iyang pakaulawan kadtong magyatak kanako. Selah Ang Dios magpadala sa iyang gugmang walay paglubad ug sa iyang pagkamatinud-anon.

Exodo 34:6

Ang Ginoo miagi sa iyang atubangan ug miingon, “Si Yahweh, si Yahweh, usa ka Dios nga maluluy-on, mapuangoron, hinay sa pagkasuko, puno sa gugmang walay paglubad ug pagkamatinumanon,

Mga Panultihon 14:22

Wala ba mangasayop kadtong nagmugna ug daotan? Kadtong nagmugna ug maayo makakita ug pagkamaunongon ug pagkamatinumanon.

Mateo 10:16

“Tan-awa, ako nagpadala kaninyo ingon nga daw mga karnero taliwala sa mga lobo, busa pagmaalamon kamo sama sa mga bitin ug lumo sama sa mga salampati.

Mateo 5:44

Apan sultihan ko kamo, higugmaa ninyo ang inyong mga kaaway ug pag-ampo alang sa mga naglutos kaninyo

Mateo 5:7

“Bulahan ang mga maluluy-on kay sila kaluy-an.

Josue 2:14

Ug ang mga tawo miingon kang Rahab, “Ang among mga kinabuhi alang kanimo kon dili nimo ipanulti kining among buluhaton, magmaluluy-on kami ug magmatinumanon kanimo sa diha nga ang Ginoo maghatag na kanamo sa yuta.”

Ruth 1:8

Apan si Naomi miingon sa iyang duha ka umagad nga babaye, “Lakaw, pamauli ang matag usa kaninyo ngadto sa balay sa iyang inahan. Hinaot unta nga maluoy ang Ginoo kaninyo, sama sa inyong gihimo niadtong nangamatay ug kanako.