2 Samuel 2:5

Ang Biblia 2011

si David nagpadala ug mga sulugoon ngadto sa mga tawo sa Jabes-gilead, ug miingon kanila, “Panalanginan unta kamo sa Ginoo kay gipakita ninyo kining maong pagkamaunongon ngadto kang Saul nga inyong agalon ug gilubong ninyo siya!

Cross References

Genesis 14:19

Ug siya mipanalangin kang Abram ug miingon, “Panalanginan unta si Abram sa Dios nga Labing Halangdon nga nagbuhat sa langit ug sa yuta.

Genesis 14:22

Apan si Abram miingon sa hari sa Sodoma, “Nanumpa ako sa Ginoong Dios nga Labing Halangdon, nga nagbuhat sa langit ug sa yuta,

2 Samuel 15:20

Ikaw miabot kagahapon pa lamang, himoon ba nako niining adlawa nga ikaw motungas ug molugsong uban kanamo, sa nakita nga ako moadto diin ako wala mahibalo? Pauli ug dad-a ang imong mga kaigsoonan, ang gugmang walay paglubad ug pagkamatinud-anon mag-uban unta kanimo.”

2 Samuel 21:12

si David miadto ug mikuha sa mga bukog ni Saul ug sa mga bukog ni Jonatan nga iyang anak gikan sa mga tawo sa Jabes-gilead nga mikawat niini gikan sa plasa sa Bet-san, diin ang mga Filistihanon mibitay kanila, sa adlaw nga ang mga Filistihanon mipatay kang Saul didto sa Gilboa.

Salmo 115:15

Panalanginan unta kamo sa Ginoo, nga nagbuhat sa langit ug sa yuta!

Josue 2:14

Ug ang mga tawo miingon kang Rahab, “Ang among mga kinabuhi alang kanimo kon dili nimo ipanulti kining among buluhaton, magmaluluy-on kami ug magmatinumanon kanimo sa diha nga ang Ginoo maghatag na kanamo sa yuta.”

Mga Maghuhukom 21:8

Ug sila miingon, “Kinsa sa mga banay sa Israel nga wala moadto sa Ginoo didto sa Mispa?” Ug nakita nila nga walay miadto sa kampo gikan sa Jabes-gilead ngadto sa tigom.

Ruth 1:8

Apan si Naomi miingon sa iyang duha ka umagad nga babaye, “Lakaw, pamauli ang matag usa kaninyo ngadto sa balay sa iyang inahan. Hinaot unta nga maluoy ang Ginoo kaninyo, sama sa inyong gihimo niadtong nangamatay ug kanako.

Ruth 2:20

Unya si Naomi miingon sa iyang umagad, “Panalanginan siya sa Ginoo, siya nga wala maghikaw sa iyang kaluoy ngadto sa mga buhi ug sa mga patay!” Ug si Naomi miingon usab kaniya, “Ang tawo atong kadugo, usa sa atong mga suod nga kadugo.”

Ruth 3:10

Ug siya miingon, “Hinaot nga panalanginan ikaw sa Ginoo, anak ko. Ikaw nagpakitag kaayo nga labaw pa kay sa sinugdan, nga ikaw wala mag-apas sa mga batan-on nga lalaki, kabos man o adunahan.

1 Samuel 11:1

Unya si Nahas nga Amonihanon mitungas ug gilibotan ang Jabes-gilead ug ang tanang tawo sa Jabes miingon kang Nahas, “Paghimo ug kasabotan uban kanamo ug mag-alagad kami kanimo.”

1 Samuel 11:9

Sila miingon ngadto sa mga sinugo nga nangabot, “Kini mao ang inyong isulti sa katawhan sa Jabes-gilead, ‘Ugma, sa panahon nga init na ang adlaw, kamo makabaton ug kaluwasan.’ ” Sa diha nga ang mga sinugo miabot ug nagsugilon sa mga tawo sa Jabes, sila nangalipay.

1 Samuel 15:13

Si Samuel miadto kang Saul, ug si Saul miingon kaniya, “Panalanginan unta ikaw sa Ginoo! Ako nagbuhat sa sugo sa Ginoo.”

1 Samuel 23:21

Ug si Saul miingon, “Panalanginan unta kamo sa Ginoo kay kamo naluoy kanako.

1 Samuel 24:19

Kay kon ang usa ka tawo makakita sa iyang kaaway, buhian ba kaha niya siya nga walay kadaot? Busa ang Ginoo magbalos unta kanimo sa maayo tungod sa imong gibuhat kanako niining adlawa.