2 Samuel 2:4

Ang Biblia 2011

Ug ang mga tawo sa Juda miadto, ug didto ilang gidihogan si David ingon nga hari sa banay ni Juda. Sa dihang gisuginlan nila si David, “Ang mga tawo sa Jabes-gilead mao ang naglubong kang Saul,”

Cross References

2 Samuel 19:11

Unya si Hari David nagpadala niining mensahe ngadto kang Zadok ug kang Abiatar nga mga pari, “Sultihi ang mga kadagkoan sa Juda, ‘Ngano nga kamo ang kinaulahian nga modala pagbalik sa hari ngadto sa iyang balay, sa diha nga ang gisulti sa tibuok Israel nakaabot sa hari ngadto sa iyang balay?

2 Samuel 19:42

Ang tanang mga tawo sa Juda mitubag sa mga tawo sa Israel, “Tungod kay ang hari suod nga kadugo namo. Nganong gikasuko man ninyo kining butanga? Gipakaon ba kami sa hari? O nakahatag ba siya kanamo ug bisan unsang gasa?”

2 Samuel 2:11

Pito ka tuig ug unom ka bulan nga si David naghari didto sa Hebron ibabaw sa banay ni Juda.

2 Samuel 2:7

Busa karon lig-ona ang inyong mga kamot, ug pagmaisogon kamo kay si Saul nga inyong agalon patay na, ug ang banay ni Juda nagdihog kanako nga hari nila.”

2 Samuel 21:11

Sa diha nga si David gisuginlan kon unsay gibuhat ni Rispa nga anak ni Aiah, nga puyopuyo ni Saul,

2 Samuel 21:12

si David miadto ug mikuha sa mga bukog ni Saul ug sa mga bukog ni Jonatan nga iyang anak gikan sa mga tawo sa Jabes-gilead nga mikawat niini gikan sa plasa sa Bet-san, diin ang mga Filistihanon mibitay kanila, sa adlaw nga ang mga Filistihanon mipatay kang Saul didto sa Gilboa.

2 Samuel 5:17

Sa diha nga ang mga Filistihanon nakadungog nga si David gidihogan ingon nga hari sa Israel, ang tanang mga Filistihanon mitungas aron sa pagpangita kang David, apan si David nakadungog niini ug miadto siya sa kuta.

2 Samuel 5:3

Busa ang tanang mga kadagkoan sa Israel miadto sa hari didto sa Hebron ug si Hari David naghimo ug usa ka kasabotan uban kanila didto sa Hebron sa atubangan sa Ginoo ug sila nagdihog kang David ingon nga hari sa Israel.

2 Samuel 5:5

Didto sa Hebron siya naghari ibabaw sa Juda sulod sa pito ka tuig ug unom ka bulan; ug didto sa Jerusalem siya naghari sulod sa katloan ug tulo ka tuig ibabaw sa tibuok nga Israel ug Juda.

2 Mga Hari 11:12

Unya iyang gidala sa gawas ang anak sa hari ug gibutang ibabaw kaniya ang korona, ug gihatag kaniya ang pagpamatuod, ug gipaila siya nga hari, ug gidihogan siya, ug gipakpak nila ang ilang mga kamot ug nag-ingon, “Mabuhi ang hari!”

1 Cronicas 10:11

Apan sa diha nga ang tibuok Jabes-gilead nakadungog sa tanan nga gibuhat sa mga Filistihanon ngadto kang Saul,

1 Cronicas 11:3

Busa ang tanang kadagkoan sa Israel nangadto sa hari didto sa Hebron, ug si David naghimo ug usa ka kasabotan uban kanila didto sa Hebron sa atubangan sa Ginoo ug ilang gidihogan si David ingon nga hari sa Israel, sumala sa pulong sa Ginoo pinaagi kang Samuel.

1 Cronicas 12:23

Kini mao ang gidaghanon sa mga hut-ong sa kasundalohan nga sangkap sa hinagiban nga nangadto kang David sa Hebron, aron sa pagtugyan sa gingharian ni Saul ngadto kaniya, sumala sa pulong sa Ginoo.

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.