2 Samuel 2:32

Ang Biblia 2011

Ug ilang gikuha si Asahel, ug gilubong siya sa lubnganan sa iyang amahan nga didto sa Betlehem. Ug si Joab ug ang iyang mga tawo nanglakaw sa tibuok nga gabii ug nabuntagan sila didto sa Hebron.

Cross References

Genesis 47:29

Ug sa nagkaduol na ang adlaw sa kamatayon ni Israel, iyang gitawag si Jose nga iyang anak ug giingnan, “Kon nakakaplag ako karon ug kahimuot sa imong mga mata, hangyoon ko ikaw, nga ibutang nimo ang imong kamot sa ilalom sa akong paa ug panaad nga magmaunongon ug magmatinud-anon ikaw kanako. Naghangyo ako kanimo nga ayaw ako ilubong sa Ehipto.

Genesis 47:30

Apan papahulaya ako uban sa akong katigulangan, dad-a ako gawas sa Ehipto ug ilubong ako sa ilang lubnganan.” Ug siya mitubag, “Ako magbuhat sumala sa imong gisulti.”

2 Samuel 2:31

Apan ang mga sulugoon ni David nakapatay ug 360 sa mga tawo ni Benjamin nga mga sakop ni Abner.

2 Samuel 5:1

Unya ang tanang banay sa Israel miadto kang David sa Hebron ug miingon, “Tan-awa, kami imong bukog ug unod.

2 Cronicas 16:14

Gilubong nila siya sa lubnganan nga gibuhat niya alang sa iyang kaugalingon didto sa siyudad ni David. Gibutang nila siya sa lungon nga napuno sa nagkalainlaing mga pahumot nga giandam sa mga tigbuhat ug pahumot, ug sila naghimo ug usa ka dako kaayong daob sa pagpasidungog kaniya.

2 Cronicas 21:1

Si Jehosafat mipahulay uban sa iyang katigulangan ug gilubong uban sa iyang katigulangan didto sa siyudad ni David, ug si Jehoram nga iyang anak naghari puli kaniya.

Mga Panultihon 22:29

Nakakita ba ikaw ug usa ka tawo nga batid sa iyang buhat? Siya mag-alagad atubangan sa mga hari; dili siya mag-alagad atubangan sa mga tawong dili inila.

Mga Maghuhukom 8:32

Si Gideon nga anak ni Joas namatay sa panuigon nga tigulang na kaayo ug gilubong sa lubnganan ni Joas nga iyang amahan, didto sa Ophra sa mga kaliwat ni Abiezer.

1 Samuel 17:58

Ug si Saul miingon kaniya, “Kang kinsang anak ikaw, batan-on?” Ug si David mitubag, “Ako ang anak sa imong sulugoon nga si Jesse nga taga-Betlehem.”