2 Samuel 2:1

Ang Biblia 2011

Human niini si David nagpakisayod sa Ginoo, “Motungas ba ako ngadto sa bisan diin nga lungsod sa Juda?” Ug ang Ginoo miingon kaniya, “Tungas.” Ug si David miingon, “Asa man ako motungas?” Ug siya miingon, “Ngadto sa Hebron.”

Cross References

Genesis 13:18

Ug gibalhin ni Abram ang iyang tolda, ug miadto ug gipahimutang kini dapit sa dagkong mga kahoy ni Mamre nga nahimutang sa Hebron ug nagpabarog siya didto ug usa ka halaran alang sa Ginoo.

Genesis 32:2

Ug sa pagkakita ni Jacob kanila, siya miingon, “Kini mao ang kasundalohan sa Dios!” Ug ginganlan niya kadtong dapita ug Mahanaim.

2 Samuel 15:7

Sa kataposan sa upat ka tuig, si Absalom miingon sa hari, “Ako naghangyo kanimo, palakta ako ug magbayad ako sa akong panaad nga akong gisaad sa Ginoo, didto sa Hebron.

2 Samuel 2:11

Pito ka tuig ug unom ka bulan nga si David naghari didto sa Hebron ibabaw sa banay ni Juda.

2 Samuel 5:19

Ug si David nagpakisayod sa Ginoo, “Motungas ba ako batok sa mga Filistihanon? Itugyan ba nimo sila sa akong kamot?” Ug ang Ginoo miingon kang David, “Tungas, kay itugyan gayod nako ang mga Filistihanon nganha sa imong kamot.”

2 Samuel 5:23

Sa diha nga si David nagpakisayod sa Ginoo, siya miingon, “Ikaw dili motungas, lipot ngadto sa ilang luyo, ug asdanga sila atbang sa mga kahoy nga balsamo.

1 Mga Hari 2:11

Ug ang panahon sa paghari ni David sa Israel 40 ka tuig. Naghari siya sulod sa pito ka tuig didto sa Hebron, ug 33 ka tuig didto sa Jerusalem.

1 Cronicas 29:7

Sila mihatag alang sa pag-alagad sa balay sa Dios, lima ka libo ka talanton nga bulawan ug napulo ka libo ka daric, napulo ka libo ka talanton nga plata ug napulo ug walo ka libo ka talanton nga bronsi ug usa ka gatos ka libo ka talanton nga plata.

2 Cronicas 11:10

ang Zora, ang Aialon, ug ang Hebron, mga kinutaang siyudad nga anaa sa Juda ug sa Benjamin.

Salmo 143:8

Ipabati kanako sa kabuntagon ang imong gugmang walay paglubad, kay diha kanimo gibutang nako ang akong pagsalig. Tudloi ako sa dalan nga akong subayon, kay nganha kanimo gibayaw nako ang akong kalag.

Salmo 27:4

Usa ka butang ang akong gipangayo sa Ginoo, nga akong pangitaon; nga makapuyo ako sa balay sa Ginoo sa tanang mga adlaw sa akong kinabuhi, aron sa pagsud-ong sa katahom sa Ginoo, ug sa pagpakisayod diha sa iyang Templo.

Ezequiel 36:37

“Mao kini ang giingon sa Ginoong Dios: Ipapangayo usab nako sa balay sa Israel ngari kanako ang pagbuhat niini alang kanila, nga padaghanon nako sila sama sa usa ka panon.

Numeros 13:22

Mitungas sila dapit sa Negeb, ug miabot sila sa Hebron, ug didto si Ahiman, si Sesai ug si Talmai, ang mga kaliwat ni Anak. (Ang Hebron natukod pito ka tuig una kay sa Zoan didto sa Ehipto.)

Numeros 27:21

Ug siya mobarog sa atubangan ni Eleasar nga pari nga maoy magpakisayod alang kaniya sa paghukom sa Urim sa atubangan sa Ginoo. Sa iyang pulong manggula sila ug sa iyang pulong manulod sila, siya ug ang tanang katawhan sa Israel uban kaniya, ang tibuok nga katilingban.”

Josue 15:13

Sumala sa sugo sa Ginoo ngadto kang Josue, iyang gihatag ngadto kang Caleb nga anak ni Jefone ang usa ka bahin sa katawhan sa Juda, ang Kiriat-arba nga mao ang Hebron (si Arba mao ang amahan ni Anak).

Mga Maghuhukom 1:1

Human sa kamatayon ni Josue, ang katawhan sa Israel nangutana sa Ginoo, “Kinsa man ang mouna pagtungas alang kanamo batok sa mga Canaanhon, aron sa pagpakig-away batok kanila?”

1 Samuel 10:22

Busa nangutana sila pag-usab sa Ginoo, “Nakaanhi na ba ang tawo?” Ug ang Ginoo miingon, “Anaa nagtago siya sa iyang kaugalingon ipon sa mga binantal.”

1 Samuel 23:2

Busa si David nagpakisayod sa Ginoo, “Moadto ba ako ug mosulong sa mga Filistihanon?” Ug ang Ginoo miingon kang David, “Lakaw ug sulonga ang mga Filistihanon ug luwasa ang Keila.”

1 Samuel 23:4

Busa nagpakisayod pag-usab si David sa Ginoo. Ug ang Ginoo mitubag kaniya, “Tindog ug lugsong ngadto sa Keila kay itugyan nako ang mga Filistihanon nganha sa imong kamot.”

1 Samuel 30:31

sa Hebron ug sa tanang dapit nga giadtoan ni David ug sa iyang mga tawo.