2 Samuel 19:8

Ang Biblia 2011

Unya ang hari mitindog ug milingkod didto sa ganghaan. Ug ang tanang katawhan gisuginlan, “Tan-awa, ang hari naglingkod diha sa ganghaan,” ug ang tibuok katawhan miadto atubangan sa hari. Niining higayona, ang Israel nanagan ang matag usa ngadto sa ilang mga puluy-anan.

Cross References

2 Samuel 15:2

Si Absalom sayo nga mobangon ug motindog sa daplin sa agianan sa ganghaan, ug sa diha nga may si bisan kinsa nga tawo nga adunay sumbong nga iadto sa hari aron hukman, tawgon siya ni Absalom ug moingon, “Diin ka nga siyudad gikan?” Ug sa diha nga siya moingon, “Ang imong sulugoon gikan sa usa sa mga banay sa Israel,”

2 Samuel 18:17

Ug ilang gikuha si Absalom ug gitambog siya ngadto sa dakong gahong didto sa kalasangan ug gipabarog sa ibabaw kaniya ang usa ka dakong tapok sa mga bato ug ang tibuok Israel nanagan, ang matag usa ngadto sa iyang balay.

2 Samuel 18:24

Niadtong higayona si David naglingkod taliwala sa duha ka ganghaan, ug ang tigbantay misaka sa atop sa ganghaan sa kuta, ug sa diha nga giyahat ang iyang mga mata ug mitan-aw, iyang nakita ang usa ka tawo nga nag-inusara sa pagdagan.

2 Samuel 18:4

Ang hari miingon kanila, “Unsay labing maayo kaninyo maoy akong buhaton.” Busa ang hari mitindog sa kilid sa ganghaan samtang nanglabay ang tibuok kasundalohan sa ginatos ug sa linibo.

2 Samuel 19:3

Ug ang katawhan mikawat pagsulod sa siyudad niadtong adlawa sama sa katawhan nga nangaulaw sa dihang sila nangagiw sa gubat.

1 Mga Hari 22:36

Ug dihay usa ka singgit gikan sa tibuok kasundalohan sa hapit na mosalop ang adlaw, “Ang matag tawo ngadto sa iyang siyudad, ug ang matag tawo ngadto sa iyang yuta!”

2 Mga Hari 14:12

Ug ang Juda nabuntog sa Israel ug ang matag tawo mikagiw ngadto sa iyang panimalay.

2 Mga Hari 8:21

Unya si Joram miadto sa Zair uban sa tanan niyang mga karwahi ug mibangon sa pagkagabii, siya ug ang iyang mga tigmando sa karwahi miasdang sa mga Edomhanon nga naglibot kaniya apan ang iyang kasundalohan nangikyas ngadto sa ilang balay.

1 Samuel 4:10

Busa ang mga Filistihanon nakig-away, ug ang Israel nabuntog ug midagan ang matag tawo ngadto sa iyang pinuy-anan. Dihay dakong pagpamatay, kay may napukan sa Israel nga 30,000 ka sundalong naglakaw.