2 Samuel 19:6

Ang Biblia 2011

tungod kay imong gihigugma kadtong nagdumot kanimo ug nagdumot kanila nga nahigugma kanimo. Kay ikaw nagpadayag niining adlawa, nga ang mga tigmando ug ang mga sulugoon walay bili alang kanimo, kay niining adlawa nasabot nako nga kon si Absalom buhi pa ug kaming tanan nangamatay niining adlawa, mahimuot unta ikaw.

Cross References

2 Samuel 19:5

Unya si Joab misulod sa balay sa hari ug miingon, “Ikaw nagpakaulaw niining adlawa sa mga nawong sa tanan nimong mga sulugoon, nga niining adlawa nagluwas sa imong kinabuhi ug sa mga kinabuhi sa imong mga anak nga lalaki ug sa imong mga anak nga babaye ug sa mga kinabuhi sa imong mga asawa ug sa imong mga puyopuyo,

2 Samuel 19:7

Busa karon, tindog, gawas ug sulti nga minaayo sa imong mga sulugoon kay nanumpa ako pinaagi sa Ginoo, nga kon ikaw dili moadto walay usa ka tawo nga magpabilin uban kanimo niining gabhiona ug kini labaw pa ka daotan kay sa tanang kadaot nga nahitabo kanimo gikan sa imong pagkabatan-on hangtod karon.”

Job 34:18

nga nag-ingon ngadto sa usa ka hari, ‘Tawong walay bili,’ ug ngadto sa mga halangdon, ‘Tawong daotan,’

Mga Buhat 23:5

Ug si Pablo miingon, “Mga igsoon, wala ako mahibalo nga siya diay labawng pangulong pari kay gisulat man, ‘Ayaw pagsulti ug daotan batok sa pangulo sa imong katawhan.’ ”