2 Samuel 19:5

Ang Biblia 2011

Unya si Joab misulod sa balay sa hari ug miingon, “Ikaw nagpakaulaw niining adlawa sa mga nawong sa tanan nimong mga sulugoon, nga niining adlawa nagluwas sa imong kinabuhi ug sa mga kinabuhi sa imong mga anak nga lalaki ug sa imong mga anak nga babaye ug sa mga kinabuhi sa imong mga asawa ug sa imong mga puyopuyo,

Cross References

2 Samuel 15:30

Unya si David mitungas sa tungasan sa Bukid sa mga Olibo, ug naghilak samtang nagtungas siya, nagtabon sa iyang ulo ug nagtiniil. Ug ang tanang katawhan nga didto uban kaniya nagtabon usab sa ilang ulo, ug nanungas nga naghilak usab.

2 Samuel 18:17

Ug ilang gikuha si Absalom ug gitambog siya ngadto sa dakong gahong didto sa kalasangan ug gipabarog sa ibabaw kaniya ang usa ka dakong tapok sa mga bato ug ang tibuok Israel nanagan, ang matag usa ngadto sa iyang balay.

2 Samuel 19:13

Ug ingna ninyo si Amasa, ‘Dili ba ikaw mao ang akong bukog ug akong unod? Ang Dios magbuhat sa ingon kanako ug labaw pa usab, kon ikaw dili magmando sa akong kasundalohan ingon nga puli ni Joab.’ ”

2 Samuel 19:4

Ang hari nagtabon sa iyang nawong, ug ang hari mihilak sa kusog nga tingog, “O anak ko nga Absalom, O Absalom, anak ko, anak ko!”

2 Samuel 19:6

tungod kay imong gihigugma kadtong nagdumot kanimo ug nagdumot kanila nga nahigugma kanimo. Kay ikaw nagpadayag niining adlawa, nga ang mga tigmando ug ang mga sulugoon walay bili alang kanimo, kay niining adlawa nasabot nako nga kon si Absalom buhi pa ug kaming tanan nangamatay niining adlawa, mahimuot unta ikaw.

2 Samuel 3:39

Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

Nehemias 9:27

Busa ikaw nagtugyan kanila ngadto sa kamot sa ilang mga kaaway nga nagpaantos kanila ug sa panahon sa ilang pag-antos, sila mituaw nganha kanimo ug ikaw namati gikan sa langit. Ug sumala sa imong dakong kaluoy ikaw mihatag kanila ug mga manluluwas nga miluwas kanila gikan sa kamot sa ilang mga kaaway.

Salmo 3:8

Ang kaluwasan iya sa Ginoo; ang imong panalangin maanaa sa imong katawhan! Selah