2 Samuel 19:43

Ang Biblia 2011

Ug ang mga tawo sa Israel mitubag sa mga tawo sa Juda, “Kami adunay napulo ka bahin sa hari ug kami adunay labaw nga katungod diha kang David kay kaninyo. Ngano nga nagbiaybiay man kamo kanamo? Dili ba kami man unta ang una nga misulti sa pagdala pagbalik sa among hari?” Apan ang mga pulong sa mga tawo sa Juda labaw pa ka isog kay sa mga pulong sa mga tawo sa Israel.

Cross References

2 Samuel 19:14

Ug iyang nadani ang kasingkasing sa tanang tawo sa Juda ingon nga usa ka tawo, mao nga sila nagpadala ug mensahe ngadto sa hari, “Balik, ikaw ug ang tanan nimong mga sulugoon.”

2 Samuel 19:9

Ug ang tibuok katawhan diha sa kagubot, ang tibuok banay sa Israel, nga nag-ingon, “Ang hari nagluwas kanato gikan sa kamot sa atong mga kaaway ug nagluwas kanato gikan sa kamot sa mga Filistihanon ug karon siya mibiya sa yuta gikan kang Absalom.

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

2 Samuel 20:6

Ug si David miingon kang Abisai, “Karon si Seba nga anak ni Bikri magbuhat kanato ug labaw nga kadaot kay sa gibuhat ni Absalom. Dad-a ang mga sulugoon sa imong agalon, apasa siya kay tingali unya ug makuha niya ang mga kinutaang siyudad ug moikyas gikan kanato.”

2 Samuel 5:1

Unya ang tanang banay sa Israel miadto kang David sa Hebron ug miingon, “Tan-awa, kami imong bukog ug unod.

1 Mga Hari 12:16

Ug sa pagkakita sa tibuok Israel nga ang hari wala mamati kanila, ang katawhan mitubag sa hari, “Unsay bahin namo kang David? Kami walay panulundon sa anak ni Jesse. Sa inyong mga tolda, O Israel! Tan-awa karon ang imong kaugalingong balay, David.” Busa ang Israel namauli ngadto sa ilang mga tolda.

Mga Panultihon 13:10

Tungod sa pagkamapahitas-on, ang gahi ug ulo maghimo ug kasamok, apan kanila nga magpatambag anaa ang kaalam.

Mga Panultihon 15:1

Ang tubag nga malumo makapahupay sa kasuko, apan ang pulong nga hait makapahagit sa kasuko.

Mga Panultihon 17:14

Ang sinugdanan sa panagbingkil sama sa paghuwad ug tubig; busa hunong sa dili pa magsugod ang panag-away.

Mga Panultihon 18:19

Ang igsoon nga nahiubos sama sa usa ka lig-ong siyudad nga lisod sudlon, apan ang panag-away sama sa mga trangka sa usa ka palasyo.

Roma 12:21

Ayaw pagpadaog sa daotan, dag-a ang daotan pinaagi sa maayo.

Mga Taga-Galacia 5:15

Apan kon kamo magpinahitay ug magtinukbanay sa usa ug usa, pagbantay kamo nga dili kamo mahurot pinaagi sa usa ug usa.

Mga Taga-Galacia 5:20

pagsimba ug mga diosdios, pagsalamangka, pagdinumtanay, panagbingkil, pangabubho, kapungot, kahakog, pagkabahinbahin, pagpundokpundok,

Mga Taga-Galacia 5:26

Dili kita magpagarbo sa atong kaugalingon o maghagit sa usa ug usa o masina ang usa batok sa usa.

Mga Taga-Filipos 2:3

Ayaw kamo pagbuhat ug bisan unsa pinaagi sa kahakog o pagpagarbo sa kaugalingon, apan diha sa pagpaubos isipa ang uban nga labaw pang maayo kay sa inyong kaugalingon.

Santiago 1:20

kay ang kasuko sa tawo dili magbuhat sa pagkamatarong sa Dios.

Mga Maghuhukom 8:1

Unya ang mga tawo sa Efraim miingon kaniya, “Unsa man kining imong gibuhat kanamo nga wala man ikaw motawag kanamo sa diha nga ikaw miadto sa pagpakig-away sa Midian?” Ug ilang gikasab-an siya sa hilabihan gayod.

Mga Maghuhukom 9:23

Ug ang Dios nagpadala ug usa ka daotang espiritu taliwala kang Abimelek ug sa mga tawo sa Sekem. Ug ang mga tawo sa Sekem misukol kang Abimelek,