2 Samuel 19:37

Ang Biblia 2011

Ako naghangyo kanimo, tugoti ang imong sulugoon, sa pagpauli aron ako mamatay didto sa akong kaugalingong siyudad, duol sa lubnganan sa akong amahan ug sa akong inahan. Apan ania ang imong sulugoon nga si Kimham, pakuyoga siya sa akong agalon nga hari ug buhata kaniya kon unsay maayo alang kanimo.”

Cross References

Genesis 47:30

Apan papahulaya ako uban sa akong katigulangan, dad-a ako gawas sa Ehipto ug ilubong ako sa ilang lubnganan.” Ug siya mitubag, “Ako magbuhat sumala sa imong gisulti.”

Genesis 48:21

Unya si Israel miingon kang Jose, “Tan-awa, hapit na ako mamatay, apan ang Dios mag-uban kaninyo ug siya magpabalik kaninyo ngadto sa yuta sa inyong mga katigulangan.

Genesis 50:13

Gidala siya sa iyang mga anak ngadto sa yuta sa Canaan ug siya gilubong nila didto sa langob sa kapatagan sa Macpela, sa silangan sa Mamre, nga gipalit ni Abraham uban sa kapatagan gikan kang Efron nga Hitihanon, aron panag-iyahon ingon nga lubnganan.

2 Samuel 19:36

Ang imong sulugoon motabok lamang sa Jordan uban sa hari. Nganong magbalos pa man ang hari kanako nianang maong ganti?

2 Samuel 19:38

Ug ang hari mitubag, “Si Kimham motabok uban kanako ug buhaton nako kaniya kadtong maayo alang kanimo ug bisan unsay imong pangayoon kanako, akong buhaton alang kanimo.”

2 Samuel 19:40

Ang hari mipadayon ngadto sa Gilgal ug si Kimham mikuyog kaniya. Ang tibuok katawhan sa Juda, ang katunga usab sa katawhan sa Israel, mikuyog sa hari sa iyang panaw.

1 Mga Hari 13:22

hinuon mibalik ikaw ug mikaon ug pan ug miinom ug tubig diha sa dapit nga iyang gisulti kanimo, “Dili ka mokaon ug pan o moinom ug tubig,” ang imong lawas dili makasulod sa lubnganan sa imong katigulangan.’ ”

1 Mga Hari 2:7

Apan pakitai ug kaayo ang mga anak nga lalaki ni Barsilai nga Gileadhanon, ug himoa sila nga kauban niadtong magkaon diha sa imong lamisa, kay ingon sila niana ka ayo kanako sa dihang mikagiw ako gikan kang Absalom nga imong igsoon.

1 Mga Hari 4:5

si Asarias nga anak ni Natan mao ang pangulo sa mga tinugyanan; si Zabud nga anak ni Natan mao ang pari ug higala sa hari;

Jeremias 41:17

Ug sila miadto ug mipuyo sa Gerut Kimham, duol sa Betlehem nga nagtinguha sa pag-adto sa Ehipto

2 Timoteo 4:6

Kay ako andam na nga ihalad ug ang panahon sa akong pagbiya miabot na.

Josue 23:14

“Ug karon hapit na ako moadto sa dalan sa tibuok nga yuta ug kamo nahibalo diha sa inyong mga kasingkasing ug mga kalag, kamong tanan, nga walay usa ka butang nga napakyas sa tanang mga maayong butang nga gisaad sa Ginoo nga inyong Dios mahitungod kaninyo. Ang tanan nahitabo kaninyo, walay usa niini nga napakyas.

2 Pedro 1:14

kay ako nasayod nga dili na madugay ang pagbiya nako niining maong lawas sumala sa gipadayag kanako sa atong Ginoong Jesu-Cristo.