2 Samuel 19:32

Ang Biblia 2011

Tigulang na kaayo Barsilai, 80 na ka tuig ang panuigon. Siya ang naghatag ug pagkaon sa hari samtang nagpuyo pa siya sa Mahanaim, kay siya dato man kaayo nga tawo.

Cross References

Genesis 25:7

Kini mao ang mga adlaw sa mga tuig sa kinabuhi ni Abraham, 175 ka tuig.

Genesis 47:28

Ug si Jacob nagpuyo sa yuta sa Ehipto sulod sa napulo ug pito ka tuig, busa ang mga adlaw ni Jacob, ang mga tuig sa iyang kinabuhi, 147 ka tuig.

Genesis 5:27

Busa ang tanang mga adlaw ni Metusela 969 ka tuig, ug siya namatay.

Genesis 50:26

Busa namatay si Jose nga nagpanuigon ug 110 ka tuig. Ug siya giembalsamar nila ug gisulod sa usa ka lungon didto sa Ehipto.

Genesis 9:29

Ang tanan nga mga adlaw ni Noe 950 ka tuig, ug siya namatay.

2 Samuel 19:33

Ug ang hari miingon kang Barsilai, “Kuyog kanako ug atimanon ko ikaw uban kanako sa Jerusalem.”

2 Mga Hari 15:20

Ug gikuha ni Menahem ang salapi gikan sa Israel, nga gikan sa tanan nga dagkong tawo nga adunahan; 50 ka siklo nga plata gikan sa matag tawo aron ihatag sa hari sa Asiria. Busa ang hari sa Asiria mipauli ug wala magpabilin sa yuta.

Job 1:3

Aduna siyay pito ka libo ka karnero, tulo ka libo ka kamilyo, lima ka gatos ka paris nga baka, ug lima ka gatos ka baye nga asno ug daghan kaayo ug mga sulugoon, mao nga kining tawhana maoy labing bantogan sa tibuok katawhan sa silangan.

Mga Panultihon 16:31

Ang ulo nga ubanon purongpurong sa himaya; kini naangkon diha sa dalan sa pagkamatarong.

Mateo 25:17

Ang nakadawat ug duha ka talanton nakaganansya usab ug laing duha ka talanton.

Deuteronomio 34:7

Si Moises nagpanuigon ug 120 ka tuig sa iyang pagkamatay. Ang iyang panan-aw wala gayod mohanap ug ang iyang kusog wala usab maluya.

1 Samuel 25:2

Ug didtoy usa ka tawo sa Maon, nga ang kabtangan atua sa Carmel. Ang tawo dato kaayo ug siya adunay tulo ka libo ka karnero ug usa ka libo ka kanding, ug iyang gitupihan ang iyang mga karnero didto sa Carmel.