2 Samuel 19:28

Ang Biblia 2011

Kay ang tibuok balay sa akong amahan sama lamang sa mga tawo nga patyonon sa atubangan sa akong agalon nga hari apan gipahimutang nimo ang imong sulugoon uban kanila nga nagkaon diha sa imong lamisa. Busa unsa pa man ang katungod nga ania kanako aron mohilak pa ako ngadto sa hari?”

Cross References

Genesis 32:10

ako dili takos sa labing diyotay sa tanang gugmang walay paglubad ug sa tanang pagkamatinumanon nga imong gipakita sa imong sulugoon kay uban lamang sa akong sungkod milabang ako niining Jordan, apan karon nahimo ako nga duha na ka pundok.

2 Samuel 14:17

Unya ang imong sulugoon naghunahuna, ‘Ang pulong sa akong agalong hari mahimong makahupay kanako,’ kay ang akong agalon nga hari sama man sa anghel Dios, nasayod sa daotan ug maayo. Ang Ginoo nga imong Dios mag-uban kanimo!”

2 Samuel 14:20

Aron mausab ang kahimtang sa hitabo, ang imong sulugoon nga si Joab maoy mihimo niining butanga. Apan ang akong agalon adunay kaalam sama sa kaalam sa usa ka anghel sa Dios sa pag-ila sa tanang mga butang nga anaa sa yuta.”

2 Samuel 15:26

Apan kon siya moingon, ‘Ako walay kalipay diha kanimo,’ tan-awa ania ako, ipabuhat niya ngari kanako kon unsay maayo alang kaniya.”

2 Samuel 16:3

Ug ang hari miingon, “Hain ang anak nga lalaki sa imong agalon?” Ug si Ziba miingon sa hari, “Nagpabilin siya didto sa Jerusalem kay siya miingon, ‘Niining adlawa iuli kanako sa balay sa Israel ang gingharian sa akong amahan.’ ”

2 Samuel 19:29

Ug ang hari miingon kaniya, “Nganong magsulti pa man ikaw sa imong kaugalingon? Ako nakahukom: ikaw ug si Ziba magbahin sa yuta.”

2 Samuel 9:10

Ikaw ug ang imong mga anak nga lalaki ug ang imong mga sulugoon mag-uma alang kaniya ug dad-on nimo dinhi ang mga abot aron ang anak sa imong agalon adunay pan nga kaonon, apan si Mefiboset nga anak sa imong agalon, anhi na magkaon kanunay sa akong lamisa.” Ug si Ziba may napulo ug lima ka anak nga lalaki ug 20 ka sulugoon.

2 Samuel 9:13

Busa si Mefiboset mipuyo sa Jerusalem ug siya nagkaon kanunay diha sa lamisa sa hari. Ug siya piang sa duha ka tiil.

2 Mga Hari 8:3

Ug human sa pito ka tuig sa pagbalik sa babaye gikan sa yuta sa mga Filistihanon, miadto siya sa hari aron sa pagpakiluoy mahitungod sa iyang balay ug sa iyang yuta.

1 Samuel 26:16

Kining butanga nga imong gibuhat dili maayo. Ingon nga ang Ginoo buhi, ikaw angay gayod nga mamatay tungod kay ikaw wala magbantay sa imong agalon, ang dinihogan sa Ginoo. Ug karon tan-awa kon hain ang bangkaw sa hari, ug ang tibod sa tubig nga diha sa iyang ulohan.”