2 Samuel 19:26

Ang Biblia 2011

Siya mitubag, “Akong agalon, O hari, ang akong sulugoon naglimbong kanako, kay ang imong sulugoon miingon kaniya, ‘Akong gimontorahan ang usa ka asno alang kanako aron makasakay niini ug makauban sa hari,’ kay ang imong sulugoon bakol.

Cross References

2 Samuel 19:17

Mikuyog kaniya ang usa ka libo ka tawo nga gikan sa Benjamin. Ug si Ziba nga sulugoon sa balay ni Saul ug ang iyang napulo ug lima ka anak nga lalaki ug ang iyang 20 ka ulipon uban kaniya, midali paglugsong sa Jordan una sa hari.

2 Samuel 4:4

Si Jonatan nga anak ni Saul, adunay usa ka anak nga lalaki nga piang ang tiil. Lima ka tuig ang iyang panuigon sa dihang midangat ang mga balita mahitungod kang Saul ug kang Jonathan gikan sa Jesreel, ug gikuha siya sa iyang tig-atiman ug mikagiw, ug sa diha nga nagdalidali siya pagkagiw, ang bata nahulog ug napiang. Ug ang iyang ngalan mao si Mefiboset.

2 Samuel 9:3

Ug ang hari miingon, “Wala na bay bisan usa sa balay ni Saul, aron ako makapakita sa kaluoy sa Dios ngadto kaniya?” Ug si Ziba miingon sa hari, “Si Jonatan may usa pa ka anak nga lalaki nga piang ang mga tiil.”