2 Samuel 19:24

Ang Biblia 2011

Si Mefiboset nga anak ni Saul milugsong aron sa pagsugat sa hari ug wala niya mahugasi ang iyang mga tiil o maguntingi ang iyang bungot o malabhi ang iyang mga bisti sukad sa adlaw nga ang hari migikan hangtod sa adlaw nga siya mibalik sa balay nga walay kadaot.

Cross References

2 Samuel 12:20

Unya si David mibangon gikan sa yuta ug naligo ug nagdihog sa iyang kaugalingon ug nag-ilis sa iyang bisti. Ug miadto siya sa balay sa Ginoo ug misimba. Unya miadto siya sa iyang kaugalingong balay ug sa dihang nangayo siya, sila midulot ug pagkaon sa iyang atubangan ug siya mikaon.

2 Samuel 15:30

Unya si David mitungas sa tungasan sa Bukid sa mga Olibo, ug naghilak samtang nagtungas siya, nagtabon sa iyang ulo ug nagtiniil. Ug ang tanang katawhan nga didto uban kaniya nagtabon usab sa ilang ulo, ug nanungas nga naghilak usab.

2 Samuel 16:3

Ug ang hari miingon, “Hain ang anak nga lalaki sa imong agalon?” Ug si Ziba miingon sa hari, “Nagpabilin siya didto sa Jerusalem kay siya miingon, ‘Niining adlawa iuli kanako sa balay sa Israel ang gingharian sa akong amahan.’ ”

2 Samuel 9:11

Unya si Ziba miingon sa hari, “Sumala sa tanan nga gisugo sa akong agalong hari ngadto sa iyang sulugoon, mao usab ang buhaton sa imong sulugoon.” Busa si Mefiboset, nagkaon kanunay diha sa lamisa ni David sama sa usa sa mga anak sa hari.

1 Mga Hari 2:8

Ug anaa usab uban kanimo si Simei, ang anak nga lalaki ni Gera nga kaliwat ni Benjamin sa Bahurim, nga mitunglo kanako sa bug-at nga pagtunglo sa adlaw nga miadto ako sa Mahanaim. Apan sa nga diha siya mianhi aron sa pagpakigkita kanako sa Jordan, ug ako nanumpa kaniya tungod sa Ginoo nga nag-ingon, ‘Dili ko ikaw patyon pinaagi sa espada.’

Exodo 19:10

Ug ang Ginoo miingon kang Moises, “Adtoa ang katawhan ug balaana sila karon ug ugma ug palabhi kanila ang ilang mga bisti.

Isaias 15:2

Mitungas ang mga anak nga babaye sa Dibon ngadto sa habog nga mga dapit aron sa pagbakho; ang Moab nagminatay tungod sa Nebo, ug tungod sa Medeba. Ang tanang ulo upaw, tanang bungot gikiskisan;

Jeremias 41:5

dihay 80 ka tawo nga gikan sa Sekem, gikan sa Silo ug gikan sa Samaria nga ang ilang mga bungot gibarbas ug ang ilang mga bisti gigisi ug nga gisamaran ang ilang kaugalingon, uban ang mga halad nga pagkaon ug ang insenso diha sa ilang kamot, aron kini dad-on nila ngadto sa balay sa Ginoo.

Mateo 6:16

“Ug sa dihang magpuasa kamo, ayaw pagpakita nga nasubo kamo, sama sa mga tigpakaaron-ingnon kay gipasagdan nila nga nagkagidlay ang ilang mga nawong aron ang mga tawo makakita kanila nga nagpuasa. Sa pagkatinuod, sultihan ko kamo nga sila nakadawat na sa ilang ganti.

Roma 12:15

Paglipay kamo duyog sa mga nalipay, hilak duyog sa mga nanghilak.

Mga Hebreo 13:3

Hinumdomi ninyo sila nga anaa sa bilanggoan, ingon nga daw nabilanggo usab kamo uban kanila, ug sila usab nga gidagmalan, kay kamo anaa man usab sa lawas.