2 Samuel 19:22

Ang Biblia 2011

Apan si David miingon, “Unsay labot nako kaninyo, kamong mga anak ni Zeruia, nga kamo niining adlawa mga kabatok nako? Kinahanglan ba nga adunay patyon niining adlawa sa Israel? Kay wala ba ako mahibalo nga ako niining adlawa hari sa Israel?”

Cross References

2 Samuel 16:10

Apan ang hari miingon, “Unsay akong labot kaninyo, kamong mga anak ni Zeruia? Kon siya nanunglo tungod kay ang Ginoo miingon kaniya, ‘Tungloha si David,’ kinsa man unya ang moingon, ‘Nganong gibuhat man nimo kini?’ ”

2 Samuel 16:5

Sa diha nga si Hari David miabot na sa Bahurim, may migula nga usa ka tawo nga gikan sa panimalay sa banay ni Saul, nga ginganlan ug Simei nga anak ni Gera. Migula siya nga nagsigi ug panunglo.

2 Samuel 16:9

Unya si Abisai nga anak ni Zeruia miingon ngadto sa hari, “Ngano nga kining patay nga iro nagtunglo sa akong agalon nga hari? Paadtoa ako, ug lunggoon nako ang iyang ulo.”

2 Samuel 3:39

Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

Isaias 16:5

usa ka trono ang tukoron diha sa gugmang walay paglubad diha sa tolda ni David, ug diha niini molingkod sa pagkamatinumanon ang maghukom ug ang mangita sa hustisya ug ang abtik nga mobuhat sa pagkamatarong.”

Mateo 8:29

Ug misinggit sila nga nag-ingon, “Unsay imong tuyo kanamo, Anak sa Dios? Mianhi ba ikaw aron sa pagsakit kanamo sa dili pa ang panahon?”

1 Samuel 11:13

Apan si Saul miingon, “Walay usa ka tawo nga patyon niining adlawa kay karong adlawa ang Ginoo naghimo ug kaluwasan sa Israel.”

1 Samuel 26:11

Ang Ginoo nagdili nga bakyawon nako ang akong kamot batok sa dinihogan sa Ginoo, apan karon kuhaa ang bangkaw nga anaa sa iyang ulohan ug ang tibod sa tubig, ug manglakaw kita.”

1 Samuel 26:8

Unya miingon si Abisai kang David, “Ang Dios nagtugyan sa imong kaaway nganha sa imong kamot niining adlawa, busa karon tugoti ako sa pagduslak kaniya lahos sa yuta sa makausa pinaagi niining bangkaw ug dili ako moduslak kaniya sa makaduha.”

1 Samuel 26:9

Apan si David miingon kang Abisai, “Ayaw siya patya, kay si kinsa ba ang makabakyaw sa iyang kamot batok sa dinihogan sa Ginoo ug walay sala?”