2 Samuel 19:20

Ang Biblia 2011

Kay ang imong sulugoon nahibalo nga ako nakasala, busa tan-awa, ako mianhi niining adlawa, ang una sa tibuok banay ni Jose sa paglugsong aron sa pagsugat sa akong agalon nga hari.”

Cross References

Genesis 48:14

Unya gituy-od ni Israel ang iyang kamot nga tuo, ug gibutang sa ibabaw sa ulo ni Efraim, nga mao ang manghod, ug ang iyang kamot nga wala sa ibabaw sa ulo ni Manases. Gisaylo niya ang iyang mga kamot kay si Manases mao man ang kamagulangan.

Genesis 48:20

Busa gipanalanginan niya sila niadtong adlawa, nga nag-ingon, “Pinaagi kanimo magpanalangin si Israel nga mag-ingon, ‘Ang Dios maghimo kanimo nga sama kang Efraim ug sama kang Manases.’ ” Busa si Efraim iyang gibutang sa atubangan ni Manases.

2 Samuel 16:5

Sa diha nga si Hari David miabot na sa Bahurim, may migula nga usa ka tawo nga gikan sa panimalay sa banay ni Saul, nga ginganlan ug Simei nga anak ni Gera. Migula siya nga nagsigi ug panunglo.

2 Samuel 19:21

Apan si Abisai nga anak ni Zeruia mitubag, “Dili ba angayng patyon si Simei tungod niini, tungod kay gitunglo niya ang dinihogan sa Ginoo?”

2 Samuel 19:9

Ug ang tibuok katawhan diha sa kagubot, ang tibuok banay sa Israel, nga nag-ingon, “Ang hari nagluwas kanato gikan sa kamot sa atong mga kaaway ug nagluwas kanato gikan sa kamot sa mga Filistihanon ug karon siya mibiya sa yuta gikan kang Absalom.

1 Mga Hari 12:20

Ug sa pagkadungog sa tibuok Israel nga si Jeroboam mibalik, ilang gipasugoan siya ug gipatawag ngadto sa katilingban ug gihimo siyang hari sa tibuok Israel. Walay usa nga misunod sa panimalay ni David, gawas lamang sa banay ni Juda.

1 Mga Hari 12:25

Unya gitukod ni Jeroboam ang Sekem didto sa kabungtoran sa Efraim ug mipuyo siya didto, ug mibiya siya gikan didto ug gitukod ang Penuel.

Jeremias 22:23

O lumulupyo sa Lebanon, nga nagsalag diha sa mga cedro, pagkamakakaluoy nimo sa dihang modangat kanimo ang mga kasakit, ang kasakit nga sama sa usa ka babaye nga nagbati!”

Oseas 5:15

Ako mobalik pag-usab sa akong dapit, hangtod nga sila moila sa ilang kalapasan ug mangita sa akong nawong, ug sa ilang kasakit sila mangita kanako.

Oseas 5:3

Ako nakaila kang Ephraim, ug ang Israel wala matago kanako; kay karon, O Ephraim, ikaw nagmakihilawason, ang Israel nahugawan.