2 Samuel 19:19

Ang Biblia 2011

Ug siya miingon sa hari, “Dili unta ako pakasad-on sa akong agalon o mahinumdom kon giunsa paghimo ug daotan sa imong sulugoon sa adlaw nga ang akong agalon nga hari mibiya sa Jerusalem. Ayaw itugot nga ang hari magtipig niini diha sa iyang kasingkasing.

Cross References

2 Samuel 13:20

Unya ang iyang igsoon nga si Absalom miingon kaniya, “Uban ba kanimo si Ammon nga imong igsoon? Karon paghilom, igsoon ko, kay siya imong igsoon; ayaw ibutang kining butanga sa kasingkasing.” Busa si Tamar nagpabilin nga masulub-on didto sa balay sa iyang igsoon nga lalaki nga si Absalom.

2 Samuel 13:33

Busa karon, ang akong agalong hari dili unta maguol nga ang tanang mga anak nga lalaki sa hari nangamatay kay si Amnon mao lamang ang namatay.”

2 Samuel 19:18

Ug sila milabang sa suba aron sa pagkuha sa panimalay sa hari ug sa paghimo sa iyang kahimut-an. Ug si Simei nga anak ni Gera mihapa sa atubangan sa hari, sa diha nga ang hari hapit na molabang sa Jordan.

Salmo 32:2

Bulahan ang tawo nga kaniya wala isipa sa Ginoo ang kasal-anan, ug nga diha sa iyang espiritu walay limbong.

Salmo 79:8

Ayaw hinumdomi batok kanamo ang mga kasal-anan sa among katigulangan; ipasugat kami pagdali sa imong malumong kaluoy, kay kami gipaubos na gayod kaayo.

Ecclesiastes 10:4

Kon ang kasuko sa pangulo moalsa batok kanimo, ayaw biyai ang imong dapit; kay ang kabugnaw sa buot makapakunhod sa dagkong kasaypanan.

Isaias 43:25

“Ako, ako mao siya nga nagpala sa imong kalapasan tungod ug alang kanako, ug dili na nako hinumdoman ang imong mga sala.

Jeremias 31:34

Ang matag tawo dili na gayod magtudlo sa iyang isigkatawo ug ang matag tawo sa iyang igsoon, nga mag-ingon, ‘Ilha ang Ginoo,’ kay silang tanan makaila kanako, gikan sa labing gamay kanila ngadto sa labing dako, nag-ingon ang Ginoo; kay pasayloon nako ang ilang kasal-anan, ug dili na gayod nako hinumdoman ang ilang sala.”

Numeros 12:11

Ug si Aaron miingon kang Moises, “O akong agalon, nangaliyupo ako kanimo, ayaw ipatong kanamo ang sala kay sa kabuang nabuhat namo kini ug nakasala kami.

Mateo 27:4

Siya miingon, “Nakasala ako sa akong pagtugyan sa dugo sa tawong dili sad-an.” Apan sila miingon, “Unsa may amo niana? Imo kanang tulubagon.”

2 Mga Taga-Corinto 5:19

ingon nga ang Dios diha kang Cristo nagpasig-uli sa kalibotan ngadto sa iyang kaugalingon sa walay pag-isip batok kanila sa ilang kalapasan. Ug siya nagpiyal kanamo sa mensahe sa pagpasig-uli.

1 Samuel 22:15

Karon bang adlawa ang unang higayon nga ako nagpakisayod sa Dios alang kaniya? Dili! Ayaw itugot sa hari nga magpasangil ug bisan unsa sa iyang sulugoon o sa tibuok nga panimalay sa akong amahan kay ang imong sulugoon walay nahibaloan niining tanan, daghan o diyotay.”

1 Samuel 25:25

Ayaw itugot nga ang akong agalon magtagad sa daotan ug batasan nga tawo nga si Nabal, kay sumala sa iyang ngalan, siya mao. Nabal ang iyang ngalan ug ang kabuang maoy nag-uban kaniya, apan ako nga imong sulugoon wala makakita sa mga batan-ong lalaki sa akong agalon nga imong gisugo.

1 Samuel 26:21

Unya si Saul miingon, “Ako nakasala; pauli, akong anak nga David, kay dili na ako magbuhat ug daotan kanimo tungod kay ang akong kinabuhi nahimong bililhon sa imong mga mata niining adlawa. Tan-awa, ako nagbuhat ingon nga buangbuang ug nasayop sa hilabihan gayod.”