2 Samuel 19:18

Ang Biblia 2011

Ug sila milabang sa suba aron sa pagkuha sa panimalay sa hari ug sa paghimo sa iyang kahimut-an. Ug si Simei nga anak ni Gera mihapa sa atubangan sa hari, sa diha nga ang hari hapit na molabang sa Jordan.

Cross References

2 Samuel 19:17

Mikuyog kaniya ang usa ka libo ka tawo nga gikan sa Benjamin. Ug si Ziba nga sulugoon sa balay ni Saul ug ang iyang napulo ug lima ka anak nga lalaki ug ang iyang 20 ka ulipon uban kaniya, midali paglugsong sa Jordan una sa hari.

2 Samuel 19:19

Ug siya miingon sa hari, “Dili unta ako pakasad-on sa akong agalon o mahinumdom kon giunsa paghimo ug daotan sa imong sulugoon sa adlaw nga ang akong agalon nga hari mibiya sa Jerusalem. Ayaw itugot nga ang hari magtipig niini diha sa iyang kasingkasing.

2 Samuel 19:30

Ug si Mefiboset miingon sa hari, “Ipakuha kaniya ang tanan, kay ang akong agalon nga hari nahiuli sa iyang balay nga wala kadaot.”

2 Samuel 9:10

Ikaw ug ang imong mga anak nga lalaki ug ang imong mga sulugoon mag-uma alang kaniya ug dad-on nimo dinhi ang mga abot aron ang anak sa imong agalon adunay pan nga kaonon, apan si Mefiboset nga anak sa imong agalon, anhi na magkaon kanunay sa akong lamisa.” Ug si Ziba may napulo ug lima ka anak nga lalaki ug 20 ka sulugoon.

2 Samuel 9:2

Ug dihay usa ka ulipon sa balay ni Saul nga ginganlan ug Ziba ug siya gitawag nila ngadto kang David, ug ang hari miingon ngadto kaniya, “Ikaw ba si Ziba?” Ug siya miingon, “Ang imong sulugoon mao siya.”

1 Mga Hari 2:8

Ug anaa usab uban kanimo si Simei, ang anak nga lalaki ni Gera nga kaliwat ni Benjamin sa Bahurim, nga mitunglo kanako sa bug-at nga pagtunglo sa adlaw nga miadto ako sa Mahanaim. Apan sa nga diha siya mianhi aron sa pagpakigkita kanako sa Jordan, ug ako nanumpa kaniya tungod sa Ginoo nga nag-ingon, ‘Dili ko ikaw patyon pinaagi sa espada.’

Salmo 66:3

Ingna ninyo ang Dios, “Pagkamakalilisang sa imong mga buhat! Hilabihan kadako ang imong gahom nga ang imong mga kaaway nangyukbo kanimo.

Salmo 81:15

Ang mga nagdumot sa Ginoo moyukbo ngadto kaniya, apan ang ilang dangatan magpadayon hangtod sa kahangtoran.

Gipadayag 3:9

Tan-awa, sila nga mga iya sa sinagoga ni Satanas, nga nag-ingon nga sila mga Judio apan dili diay, hinuon namakak, tan-awa, kini sila paanhaon nako ug pahapaon diha sa imong tiilan, ug pailhon nako sila nga ikaw akong gihigugma.

1 Samuel 22:15

Karon bang adlawa ang unang higayon nga ako nagpakisayod sa Dios alang kaniya? Dili! Ayaw itugot sa hari nga magpasangil ug bisan unsa sa iyang sulugoon o sa tibuok nga panimalay sa akong amahan kay ang imong sulugoon walay nahibaloan niining tanan, daghan o diyotay.”