2 Samuel 18:8

Ang Biblia 2011

Mikaylap ang gubat sa tibuok kayutaan, ug daghan pa ang mga tawo nga gilamoy sa kalasangan kay sa espada niadtong adlawa.

Cross References

2 Samuel 18:7

Ug didto ang katawhan sa Israel nabuntog sa mga sulugoon ni David, ug may usa ka dakong pagpamatay didto niadtong adlawa, 20,000 ka tawo.

2 Samuel 18:9

Ug si Absalom sa wala lamang palandonga nakasugat sa mga sulugoon ni David. Si Absalom nagkabayo sa iyang mula ug ang mula miagi ubos sa labong nga mga sanga sa usa ka dakong kahoy ug ang iyang ulo nasangit sa kahoy ug siya nabitay sa taliwala sa langit ug sa yuta ug ang mula nga diha sa ilalom niya mipadayon pagdagan.

1 Mga Hari 20:30

Ug ang uban mikagiw ngadto sa siyudad sa Apek, ug ang kuta natumpag ibabaw sa 27,000 ka tawo nga nahibilin. Si Benhadad mikagiw usab ug miadto sa siyudad ug misulod ngadto sa kinasuloran nga lawak sa siyudad.

Salmo 3:7

Tindog, O Ginoo! Luwasa ako, O akong Dios! Kay ikaw naghampak man sa apapangig sa tanan nakong mga kaaway; ikaw naghingo sa mga ngipon sa mga daotan.

Salmo 43:1

Pamatud-i ako nga matarong, O Dios, ug labani ang akong katungod batok sa usa ka katawhan nga dili diosnon; luwasa ako gikan sa mga tawo nga limbongan ug dili matarong!

Exodo 15:10

Gihuyop nimo sila sa imong hangin, ang dagat mitabon kanila; naunlod sila sama sa tingga diha sa gamhanang katubigan.

Mga Panultihon 24:21

Anak ko, kahadloki ang Ginoo ug ang hari, ug ayaw supaka si bisan kinsa kanila;

Mga Panultihon 24:22

kay ang katalagman gikan kanila motungha sa kalit, ug kinsa ang nahibalo sa kalaglagan nga moabot gikan kanilang duha?

Josue 10:11

Ug samtang sila nangikyas gikan sa atubangan sa tibuok Israel, sa naglugsong sila gikan sa Bet-horon, ang Ginoo nagpahulog ug dagkong bato gikan sa langit sa ibabaw nila hangtod sa Aseka ug sila nangamatay; daghan kanila ang nangamatay sa ulan nga yelo kay sa gipamatay sa katawhan sa Israel pinaagi sa mga espada.