2 Samuel 18:27

Ang Biblia 2011

Ug ang tigbantay miingon, “Gihunahuna nako nga ang dinaganan sa labing una sama sa dinaganan ni Ahimaas nga anak ni Zadok.” Ug ang hari miingon, “Siya usa ka maayong tawo ug mianhi uban sa mga maayong balita.”

Cross References

2 Samuel 18:26

Ug ang tigbantay nakakita ug laing tawo nga nagdagan usab, ug ang tigbantay mitawag ngadto sa ganghaan, ug miingon, “Tan-awa, may laing tawo nga nagdagan nga nag-inusara.” Ug ang hari miingon, “Siya usab nagdala ug mga balita.”

1 Mga Hari 1:42

Samtang nagsulti pa siya, tan-awa, si Jonatan nga anak ni Abiatar nga pari miabot, ug si Adonias miingon, “Sulod, kay ikaw usa ka tawo nga may katakos ug nagdala ug mga maayong balita.”

2 Mga Hari 9:20

Ang bantay misugilon pag-usab, “Siya miadto kanila apan wala na siya mobalik. Ug ang pagpadagan sama sa pagpadagan ni Jehu nga anak ni Nimsi kay siya nagpadagan ug kusog kaayo.”

Mga Panultihon 25:13

Sama sa kabugnaw sa gabon sa panahon sa ting-ani ang matinumanon nga sinugo ngadto sa nagsugo kaniya, siya nagdasig sa espiritu sa iyang mga agalon.

Mga Panultihon 25:25

Sama sa bugnaw nga tubig alang sa giuhaw nga kalag, mao usab ang maayong balita gikan sa layong dapit.

Isaias 52:7

Pagkatahom ibabaw sa kabukiran sa mga tiil niadtong nagdala sa maayong balita, nga nagmantala sa pakigdait, nga nagdala ug maayong balita sa kaayohan, nga nagmantala sa kaluwasan, nga nag-ingon sa Zion, “Ang imong Dios naghari.”

Roma 10:15

Ug unsaon man nila pagwali kon dili sila ipadala? Ingon sa nasulat, “Katahom gayod sa mga tiil sa mga nagwali sa Maayong Balita!”