2 Samuel 18:20

Ang Biblia 2011

Ug si Joab miingon kaniya, “Ikaw dili mao ang magdala sa mga balita niining adlawa, mahimo nga ikaw magdala ug mga balita sa laing adlaw apan niining adlawa ikaw dili magdala ug mga balita tungod kay ang anak sa hari patay na.”

Cross References

2 Samuel 18:19

Unya miingon si Ahimaas nga anak ni Zadok, “Padagana ako ug dad-on nako ang mga balita ngadto sa hari nga ang Ginoo nagluwas kaniya gikan sa gahom sa iyang mga kaaway.”

2 Samuel 18:21

Unya miingon si Joab ngadto sa Cusihanon, “Lakaw, suginli ang hari kon unsay imong nakita.” Ug ang Cusihanon miyukbo sa atubangan ni Joab ug midagan.

2 Samuel 18:27

Ug ang tigbantay miingon, “Gihunahuna nako nga ang dinaganan sa labing una sama sa dinaganan ni Ahimaas nga anak ni Zadok.” Ug ang hari miingon, “Siya usa ka maayong tawo ug mianhi uban sa mga maayong balita.”

2 Samuel 18:29

Ug ang hari miingon, “Maayo ba ang kahimtang sa batan-on nga si Absalom?” Ug si Ahimaas mitubag, “Sa diha nga si Joab nagsugo sa imong sulugoon, akong nakita ang usa ka dakong kasamok, apan wala ako mahibalo kon unsa kadto.”

2 Samuel 18:33

Ug natay-og pag-ayo ang pagbati sa hari ug misaka ngadto sa lawak nga didto sa ibabaw sa ganghaan ug mihilak. Ug sa iyang pag-adto, siya miingon, “O akong anak nga Absalom, anak ko, anak kong Absalom! Maayo pa unta kon ako ang namatay sa imong dapit ug dili ikaw, O Absalom, anak ko, anak ko!”

2 Samuel 18:5

Ug ang hari misugo kang Joab ug kang Abisai ug kang Itai, “Pagmaluluy-on kamo tungod kanako nianang batan-on nga si Absalom.” Ug ang tibuok katawhan nakadungog sa diha nga ang hari nagsugo sa tanang mga tigmando mahitungod kang Absalom.

2 Samuel 19:1

Kini gisugilon kang Joab, “Tan-awa, ang hari naghilak ug nagbangutan alang kang Absalom.”