2 Samuel 18:19

Ang Biblia 2011

Unya miingon si Ahimaas nga anak ni Zadok, “Padagana ako ug dad-on nako ang mga balita ngadto sa hari nga ang Ginoo nagluwas kaniya gikan sa gahom sa iyang mga kaaway.”

Cross References

2 Samuel 15:27

Ang hari miingon usab kang Zadok nga pari, “Tan-awa, pauli sa imong siyudad uban ang kalinaw, ikaw ug si Abiatar, uban sa inyong duha ka anak nga lalaki, si Ahimaas nga imong anak, ug si Jonatan ang anak ni Abiatar.

2 Samuel 15:36

Tan-awa, atua uban kanila didto ang ilang duha ka anak nga lalaki, si Ahimaas nga anak ni Zadok ug si Jonatan nga anak ni Abiatar, ug pinaagi kanila ipadala dinhi kanako ang tanan nga imong madunggan.”

2 Samuel 17:17

Karon si Jonatan ug si Ahimaas naghulat didto sa En-rogel ug usa ka sulugoon nga babaye ang mag-adtoan ug magsugilon kanila, ug sila moadto ug magsugilon kang Haring David kay kinahanglan nga dili sila makit-an inigsulod sa siyudad.

2 Samuel 18:20

Ug si Joab miingon kaniya, “Ikaw dili mao ang magdala sa mga balita niining adlawa, mahimo nga ikaw magdala ug mga balita sa laing adlaw apan niining adlawa ikaw dili magdala ug mga balita tungod kay ang anak sa hari patay na.”

2 Samuel 18:23

“Mahitabo ang mabitabo,” miingon siya, “Ako modagan.” Ug siya miingon kaniya, “Dagan.” Unya si Ahimaas miagi sa patag ug naunhan ang Cusihanon.

2 Samuel 18:31

Unya ang Cusihanon miabot, ug ang Cusihanon miingon, “Mga maayong balita alang sa akong agalong hari kay ang Ginoo nagluwas kanimo niining adlawa gikan sa gahom sa tanan nga nakigbatok kanimo.”

Salmo 10:14

Ikaw nakakita niini kay ikaw nagsud-ong sa kasamok ug kaguol, aron balosan kini pinaagi sa imong kamot; kanimo midangop ang kabos; ikaw mao ang magtatabang sa mga wala nay amahan.

Salmo 10:18

sa paghatag ug hustisya sa mga wala nay amahan ug sa mga dinaogdaog, aron nga ang tawo nga iya sa yuta dili na manaogdaog.

Salmo 7:6

Tindog, O Ginoo, diha sa imong kasuko, barog batok sa kapungot sa akong mga kaaway; pagmata, O akong Dios; ikaw nga nagtudlo ug paghukom.

Salmo 9:16

Ang Ginoo nagpaila sa iyang kaugalingon, nagpahamtang siya ug paghukom; ang daotan nalit-ag sa buhat sa iyang kaugalingong mga kamot. Higgaion. Selah

Salmo 9:4

Kay ikaw naglaban sa akong katungod ug sa akong baroganan; naglingkod ikaw sa trono, naghatag ug matarong nga paghukom.

Jeremias 51:31

Ang usa ka tigdagan modagan aron sa pagtagbo sa usa, ug ang usa ka sinugo aron motagbo sa usa, aron pagsulti sa hari sa Babilonia nga ang iyang siyudad nailog diha sa tanang dapit;

Roma 12:19

Mga hinigugma, ayaw panimalos, kondili hatagi hinuon ninyo ug higayon ang kapungot sa Dios; kay nasulat, “Akoa ang pagpanimalos, ako ang mobayad, nag-ingon ang Ginoo.”