2 Samuel 18:18

Ang Biblia 2011

Sa buhi pa si Absalom siya nagkuha ug nagpatindog ug usa ka haligi alang sa iyang kaugalingon, nga anaa sa Walog sa Hari, kay siya miingon, “Wala akoy anak nga lalaki nga magpahinumdom sa akong ngalan,” ug iyang ginganlan ang haligi sa iyang kaugalingong ngalan ug kini gitawag nga monyumento ni Absalom hangtod niining adlawa.

Cross References

Genesis 11:4

Unya miingon sila, “Dali, magbuhat kita alang kanato ug usa ka siyudad ug usa ka tore nga ang tumoy mosangko sa langit, ug magbuhat kita alang kanato ug usa ka ngalan kay tingali unya ug nagkatibulaag kita sa tibuok kalibotan.”

Genesis 11:9

Tungod niini ang ngalan niadtong dapita gitawag ug Babel kay didto gilibog sa Ginoo ang pinulongan sa tibuok nga yuta. Ug gikan didto gipatibulaag sila sa Ginoo ngadto sa tibuok nga yuta.

Genesis 14:17

Sa iyang pagpauli gikan sa iyang pagbuntog kang Chedorlaomer ug sa mga hari nga iyang kaabin, ang hari sa Sodoma misugat kaniya didto sa walog sa Sabe, ang Walog sa Hari.

2 Samuel 14:27

Kang Absalom may nangatawo nga tulo ka anak nga lalaki, ug usa ka anak nga babaye nga ginganlan ug Tamar ug siya maanyag kaayo.

Salmo 109:13

Mapuo unta ang iyang kaliwatan; mapapas unta ang iyang ngalan sa mosunod nga kaliwatan!

Salmo 49:11

Ang ilang lubnganan mao ang ilang puluy-anan hangtod sa kahangtoran, ang ilang mga puluy-anan ngadto sa tanang mga kaliwatan, bisan ug nganlan nila ang kayutaan nga ilang kaugalingon.

Isaias 22:16

Unsay gibuhat nimo dinhi ug kinsay ania dinhi kanimo, nga ikaw naghikay man dinhi ug usa ka lubnganan, naghikay ug usa ka lubnganan sa ibabaw, ug nagkalot ug usa ka puluy-anan alang sa imong kaugalingon diha sa bato?

Jeremias 22:30

Mao kini ang giingon sa Ginoo: “Isulat kining tawhana ingon nga walay anak, usa ka tawo nga dili mouswag sa iyang mga adlaw; kay walay usa sa iyang kaliwat nga mouswag diha sa paglingkod sa trono ni David, ug sa pagmando pag-usab diha sa Juda.”

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”

Numeros 32:42

Ug si Noba miadto ug gikuha ang Kenat ug ang mga balangay niini ug ginganlan kini ug Noba, sunod sa iyang ngalan.

1 Samuel 15:12

Ug si Samuel mibangon ug sayo aron pagsugat kang Saul sa pagkabuntag ug kini gisugilon kang Samuel, “Si Saul miadto sa Carmel, ug nagpatindog siya ug usa ka monyumento alang sa iyang kaugalingon, ug mitalikod ug milakaw ug milugsong ngadto sa Gilgal.”