2 Samuel 18:12

Ang Biblia 2011

Apan ang tawo miingon kang Joab, “Bisan pa ug makadawat ako ug usa ka libo ka buok plata sa akong kamot, dili nako bakyawon ang akong kamot batok sa anak sa hari, kay among nadungog ang hari nagsugo kanimo ug kang Abisai ug kang Itai nga nag-ingon, ‘Tungod ug alang kanako, panalipdi ang batan-on nga si Absalom.’

Cross References

2 Samuel 18:11

Ug si Joab miingon sa tawo nga nagsugilon kaniya, “Unsa, imo siyang nakita! Nganong wala man nimo siya duslaka ngadto sa yuta? Ikalipay unta nako ang paghatag kanimo ug napulo ka buok plata ug usa ka bakos.”

2 Samuel 18:5

Ug ang hari misugo kang Joab ug kang Abisai ug kang Itai, “Pagmaluluy-on kamo tungod kanako nianang batan-on nga si Absalom.” Ug ang tibuok katawhan nakadungog sa diha nga ang hari nagsugo sa tanang mga tigmando mahitungod kang Absalom.

2 Samuel 19:1

Kini gisugilon kang Joab, “Tan-awa, ang hari naghilak ug nagbangutan alang kang Absalom.”