2 Samuel 17:9

Ang Biblia 2011

Bisan gani karon siya mitago diha sa usa sa mga gahong o sa ubang dapit. Ug sa diha nga ang ubang mga tawo mangapukan sa unang pag-asdang, si bisan kinsa nga makadungog niana moingon, ‘Dihay dakong pagpamatay sa katawhan nga nagsunod kang Absalom.’

Cross References

2 Samuel 17:10

Ug bisan ang isog nga tawo nga ang kasingkasing sama sa kasingkasing sa usa ka liyon, matunaw sa kahadlok, kay ang tibuok Israel nahibalo nga ang imong amahan usa ka gamhanan nga tawo ug sila nga kauban niya mga isog nga mga tawo.

2 Samuel 17:8

Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

Jeremias 41:9

Ang atabay nga gitambogan ni Ismael sa tanang mga lawas sa mga tawo nga iyang gipamatay mao ang kinadak-an nga atabay, nga gipabuhat ni Asa nga hari ingon nga panalipod batok kang Baasa nga hari sa Israel; gipuno kini ug mga pinatay ni Ismael nga anak ni Netanias.

Josue 7:5

Ug ang mga tawo sa Ai nakapatay kanila ug mga 36 ka tawo ug ilang gipanggukod ang mga Israelinhon gikan sa ganghaan ngadto sa Sebarim ug gipatay sila didto sa lugsonganan. Ug ang mga kasingkasing sa mga tawo nangatunaw ug nahisama sa tubig.

Josue 8:6

Ug sila mogukod kanamo hangtod nga madala namo sila layo gikan sa siyudad kay moingon man unya sila, ‘Nanagan sila gikan sa atong atubangan, sama sa una.’ Busa managan kamo gikan kanila.

1 Samuel 22:1

Busa si David mibiya gikan didto ug mikagiw ngadto sa langob sa Adulam, ug sa diha nga ang iyang mga igsoon ug ang tibuok nga panimalay sa iyang amahan nakadungog niini, sila nanglugsong ngadto kaniya.

1 Samuel 23:22

Lakaw, tinoa pa gayod, susiha ug tan-awa ang dapit nga iyang kanunayan ug si kinsa ang nakakita kaniya didto, kay gisugilon kanako nga siya igmat kaayo.

1 Samuel 24:3

Siya miabot sa mga toril sa mga karnero daplin sa agianan, diin may usa ka langob, ug si Saul misulod aron sa pagpahuwas sa iyang kaugalingon. Niadtong tungora, si David ug ang iyang mga tawo nanglingkod sa kinasulorang bahin sa maong langob.