2 Samuel 17:8

Ang Biblia 2011

Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

Cross References

2 Samuel 15:18

Ang tanan niyang mga sulugoon miuna kaniya, ang tanang mga Keretihanon, ang tanang mga Peletihanon ug ang tanan nga 600 ka Gitihanon nga mikuyog kaniya gikan sa Gat nag-una sa hari.

2 Samuel 17:9

Bisan gani karon siya mitago diha sa usa sa mga gahong o sa ubang dapit. Ug sa diha nga ang ubang mga tawo mangapukan sa unang pag-asdang, si bisan kinsa nga makadungog niana moingon, ‘Dihay dakong pagpamatay sa katawhan nga nagsunod kang Absalom.’

2 Samuel 23:16

Ug ang tulo ka gamhanang tawo milatas taliwala sa kampo sa mga Filistihanon, ug mitimba ug tubig gikan sa atabay sa Betlehem nga duol sa ganghaan, ug mikuha niini ug gidala kini ngadto kang David. Apan siya wala moinom niini kondili gibubo kini ngadto sa Ginoo,

2 Samuel 23:18

Si Abisai nga igsoon ni Joab nga anak ni Zeruia maoy pangulo sa 30. Ug gibakyaw niya ang iyang bangkaw batok sa tulo ka gatos ug gipamatay sila, ug nahimo siyang inila sama sa tulo.

2 Mga Hari 2:24

Ug siya milingi ug sa pagkakita niya kanila, gitunglo niya sila sa ngalan sa Ginoo. Unya migula ang duha ka oso nga baye gikan sa kakahoyan ug mikunis-kunis sa 42 ka batang lalaki.

Mga Panultihon 17:12

Ipasugat sa usa ka tawo ang usa ka oso nga nawad-an sa iyang mga anak, kay sa usa ka buangbuang diha sa iyang binuang.

Mga Panultihon 28:15

Sama sa usa ka liyon nga nagngulob o sa usa ka oso nga kadasmagon ang usa ka daotan nga pangulo ngadto sa kabos nga katawhan.

Ezequiel 19:2

ug isulti: Unsang pagkaliyon ang imong inahan taliwala sa mga liyon! Naglubog siya taliwala sa mga batan-ong liyon, nag-atiman sa iyang mga itoy.

Daniel 7:5

Unya, dihay laing mananap, ang ikaduha, sama sa usa ka oso. Kini gipatindog sa usa ka kilid, ug kini adunay tulo ka gusok diha sa iyang baba taliwala sa iyang mga ngipon, ug kini giingnan, ‘Tindog, panukob ug daghang unod.’

Oseas 13:8

Mohasmag ako kanila sama sa usa ka oso nga nawad-an sa iyang mga itoy, ug laksion nako ang ilang dughan, ug didto ako maglamoy kanila sama sa usa ka liyon nga baye, sama sa usa ka mananap nga ihalas nga magwataswatas kanila.

Mga Maghuhukom 18:25

Ang mga Danihanon miingon kaniya, “Ayaw ipadungog ang imong tingog kanamo kay tingali unya ug may mga tawo nga masuko ug modasmag kanimo ug mawad-an ikaw sa imong kinabuhi uban sa mga kinabuhi sulod sa imong panimalay.”

1 Samuel 16:18

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

1 Samuel 17:50

Busa si David midaog batok sa Filistihanon pinaagi sa usa ka lambuyog ug sa usa ka bato, ug naigo ang Filistihanon ug gipatay siya; walay espada diha sa kamot ni David.

1 Samuel 23:23

Busa tan-awa ug panid-i ang tanang mga dapit diin siya magtago ug balik kamo dinhi kanako nga may tino nga kasayoran. Unya mouban ako kaninyo ug kon mahitabo nga atua siya sa yuta, pangitaon gayod nako siya diha sa mga linibo sa Juda.”