2 Samuel 17:23

Ang Biblia 2011

Sa diha nga si Ahitofel nakakita nga ang iyang tambag wala tumana, gimontorahan niya ang iyang asno ug mipauli siya sa iyang kaugalingong siyudad. Ug gihusay niya ang iyang panimalay ug nagbitay sa iyang kaugalingon ug siya namatay ug gilubong sa lubnganan sa iyang amahan.

Cross References

2 Samuel 15:12

Ug samtang si Absalom naghalad pa ug mga halad, iyang gipakuha si Ahitofel nga Gilohanon nga magtatambag ni David gikan sa iyang siyudad sa Gilo. Ug ang pag-alsa nagkadako ug ang katawhan nga uban kang Absalom nagkadaghan.

2 Samuel 15:31

Ug kini gisugilon kang David, “Si Ahitofel usa sa mga nakig-abin kang Absalom.” Ug si David miingon, “O Ginoo, ako naghangyo kanimo, himoa nga binuang ang tambag ni Ahitofel.”

2 Samuel 16:23

Niadtong mga adlawa, ang tambag ni Ahitofel nga iyang gihatag daw sama nga ang usa ka tawo nagpakisayod sa pulong sa Dios, busa gitahod ni David ug ni Absalom ang tanang tambag ni Ahitofel.

2 Samuel 17:22

Unya si David mitindog ug ang tibuok katawhan nga kauban niya, ug nanabok sila sa Jordan ug sa pagbanagbanag sa kabuntagon walay bisan usa kanila nga nahibilin nga wala makatabok sa Jordan.

1 Mga Hari 16:18

Sa pagkakita ni Zimri nga ang siyudad nailog, miadto siya sa palasyo sa hari ug gisunog pinaagi sa kalayo ang balay sa hari lakip ang iyang kaugalingon ug namatay siya

2 Mga Hari 20:1

Niadtong panahona si Hesekias nasakit ug nag-ungaw sa kamatayon. Si Isaias nga propeta nga anak ni Amos miadto kaniya ug miingon kaniya, “Kini mao ang gisulti sa Ginoo, ‘Andama ang imong balay kay ikaw mamatay ug dili maulian.’ ”

Job 31:3

Dili ba katalagman ang modangat sa mga dili matarong, ug kadaotan alang sa mga tigbuhat ug kalapasan?

Salmo 109:20

Mao unta kini ang balos alang sa akong mga kabatok gikan sa Ginoo, alang kanila nga nagsulti ug daotan batok sa akong kinabuhi.

Salmo 5:10

Hukmi sila nga sad-an, O Dios; ipalaang sila sa ilang kaugalingong laraw; tungod sa kadaghan sa ilang mga kalapasan isalikway sila, kay misupil man sila batok kanimo.

Salmo 55:23

Apan ikaw, O Dios, magtambog kanila ngadto sa gahong sa pagkalaglag; ang mga madugoon ug limbongan dili mabuhi sa katunga sa ilang mga adlaw. Apan ako mosalig kanimo.

Mga Panultihon 16:18

Ang garbo mag-una sa pagkalaglag, ug ang mapahitas-ong espiritu sa dili pa ang pagkapukan.

Mga Panultihon 19:3

Ang binuang sa tawo magdala sa iyang dalan ngadto sa pagkadaot, apan sa gihapon ang iyang kasingkasing masuko batok sa Ginoo.

Isaias 38:1

Niadtong mga adlawa si Hesekias nasakit ug himalatyon na. Si Isaias nga propeta nga anak ni Amos miadto kaniya ug miingon, “Mao kini ang giingon sa Ginoo: Husaya ang imong balay kay ikaw mamatay, dili ikaw maulian.”

Mateo 27:5

Ug ang mga salapi nga plata iyang giitsa ngadto sa sulod sa Templo ug mibiya siya. Ug siya milakaw ug nagbitay sa iyang kaugalingon.