2 Samuel 17:17

Ang Biblia 2011

Karon si Jonatan ug si Ahimaas naghulat didto sa En-rogel ug usa ka sulugoon nga babaye ang mag-adtoan ug magsugilon kanila, ug sila moadto ug magsugilon kang Haring David kay kinahanglan nga dili sila makit-an inigsulod sa siyudad.

Cross References

2 Samuel 15:27

Ang hari miingon usab kang Zadok nga pari, “Tan-awa, pauli sa imong siyudad uban ang kalinaw, ikaw ug si Abiatar, uban sa inyong duha ka anak nga lalaki, si Ahimaas nga imong anak, ug si Jonatan ang anak ni Abiatar.

2 Samuel 15:35

Dili ba uban man kanimo didto si Zadok ug si Abiatar nga mga pari? Busa bisan unsay imong madunggan gikan sa balay sa hari, isugilon kini kang Zadok ug kang Abiatar nga mga pari.

2 Samuel 15:36

Tan-awa, atua uban kanila didto ang ilang duha ka anak nga lalaki, si Ahimaas nga anak ni Zadok ug si Jonatan nga anak ni Abiatar, ug pinaagi kanila ipadala dinhi kanako ang tanan nga imong madunggan.”

1 Mga Hari 1:42

Samtang nagsulti pa siya, tan-awa, si Jonatan nga anak ni Abiatar nga pari miabot, ug si Adonias miingon, “Sulod, kay ikaw usa ka tawo nga may katakos ug nagdala ug mga maayong balita.”

1 Mga Hari 1:9

Ug si Adonias naghalad ug mga karnero ug mga baka ug mga pinatambok nga mga mananap didto sa bato sa Zohelet nga duol sa En-rogel ug gidapit niya ang tanan niyang mga igsoon, ang mga anak nga lalaki sa hari ug ang tanang tinugyanan sa Juda,

Josue 15:7

Ug ang utlanan mitungas paingon sa Debir gikan sa Walog sa Acor ug nagpadayon padulong sa amihanan ug miliko paingon sa Gilgal nga anaa atbang sa tungasan sa Adumim nga anaa sa habagatang bahin sa walog. Ug ang utlanan misubay ngadto sa katubigan sa En-semes ug misangko sa En-rogel.

Josue 18:16

Ug ang utlanan midulhog ngadto sa tiilan sa bukid nga nag-atubang sa walog sa anak ni Hinom, nga anaa sa amihanang dapit sa walog sa Refaim ug midulhog kini ngadto sa walog sa Hinom, sa habagatan sa kabungtoran sa mga Jebusihanon ug midulhog ngadto sa En-rogel.