2 Samuel 17:16

Ang Biblia 2011

Busa karon pagsugo dayon ug pasultihi si David, ‘Ayaw paghunong niining gabhiona sa mga tabokanan sa kamingawan, hinuon kutob sa tanang mahimo, padayon sa pagtabok kay tingali unya ug ang hari ug ang tibuok katawhan nga uban niya malamoy.’ ”

Cross References

2 Samuel 15:14

Si David miingon sa tanan niyang mga sulugoon nga didto uban kaniya sa Jerusalem, “Tindog ug mangikyas kita, kay kon dili, dili na kita makaikyas gikan kang Absalom. Magdali kita kay tingali unya ug maapsan kita dayon ug magdala ug kadaotan sa ibabaw nato, ug laglagon ang siyudad pinaagi sa sulab sa espada.”

2 Samuel 15:28

Tan-awa, ako maghulat didto sa mga tabokanan sa kamingawan, hangtod nga may moabot nga pulong gikan kanimo aron sa pagpahibalo kanako.”

2 Samuel 15:35

Dili ba uban man kanimo didto si Zadok ug si Abiatar nga mga pari? Busa bisan unsay imong madunggan gikan sa balay sa hari, isugilon kini kang Zadok ug kang Abiatar nga mga pari.

Salmo 35:25

Ayaw itugot nga moingon sila sa ilang kaugalingon, “Aha, among naangkon ang gitinguha sa among kasingkasing!” Ayaw itugot nga moingon sila, “Nalamoy na namo siya.”

Salmo 55:8

Nagdali ako sa pagpangita ug pasilonganan gikan sa naghuros nga hangin ug unos.

Salmo 56:2

ang akong mga kaaway nagyatak kanako sa tibuok adlaw, kay daghan sila nga mapahitas-ong nakig-away kanako.

Salmo 57:3

Siya magpadala gikan sa langit ug magluwas kanako, iyang pakaulawan kadtong magyatak kanako. Selah Ang Dios magpadala sa iyang gugmang walay paglubad ug sa iyang pagkamatinud-anon.

1 Mga Taga-Corinto 15:54

Ug sa diha nga ang madunot kasul-oban na ug dili na madunot, ug ang mamatay kasul-oban na ug dili mamatay, matuman na gayod unya ang nasulat nga nag-ingon, “Ang kamatayon gilamoy ngadto sa kadaogan.”

2 Mga Taga-Corinto 5:4

Kay samtang ania pa kita niining maong tolda, kita nag-agulo sa kabug-at, dili tungod kay buot kita nga maghukas, kondili nga masul-oban pa, aron ang may kamatayon lamyon sa kinabuhi.

1 Samuel 20:38

Ug si Jonatan misinggit sa bata, “Pagdali, ayaw paglangan ug ayaw paghunong.” Ug gihipos sa bata ang mga udyong ug miadto sa iyang agalon.