2 Samuel 17:14

Ang Biblia 2011

Ug si Absalom ug ang tanang mga tawo sa Israel miingon, “Ang tambag ni Husai nga Arkihanon maayo pa kay sa tambag ni Ahitofel.” Kay ang Ginoo nagsugo nga mabuntog ang maayong tambag ni Ahitofel, sa tuyo nga ang Ginoo makahimo ug daotan kang Absalom.

Cross References

Genesis 32:28

Ug siya miingon, “Ang imong ngalan dili na tawgon ug Jacob kondili Israel, kay nakiglayog man ikaw sa Dios ug sa mga tawo ug midaog ikaw.”

2 Samuel 15:31

Ug kini gisugilon kang David, “Si Ahitofel usa sa mga nakig-abin kang Absalom.” Ug si David miingon, “O Ginoo, ako naghangyo kanimo, himoa nga binuang ang tambag ni Ahitofel.”

2 Samuel 15:34

Apan kon mobalik ikaw ngadto sa siyudad, ug moingon kang Absalom, ‘Ako mahimong imong sulugoon, O hari, ingon nga ako nahimong alagad sa imong amahan sa miaging panahon, busa karon, ako mahimong imong alagad,’ ikaw mobuntog alang kanako sa tambag ni Ahitofel.

2 Samuel 16:23

Niadtong mga adlawa, ang tambag ni Ahitofel nga iyang gihatag daw sama nga ang usa ka tawo nagpakisayod sa pulong sa Dios, busa gitahod ni David ug ni Absalom ang tanang tambag ni Ahitofel.

2 Cronicas 10:15

Busa ang hari wala mamati sa katawhan kay kini gituyo sa Dios, aron tumanon sa Ginoo ang iyang pulong nga iyang gisulti pinaagi kang Ahias nga Silohanon ngadto kang Jeroboam nga anak ni Nebat.

2 Cronicas 10:8

Apan iyang gisalikway ang tambag nga gihatag sa mga tigulang kaniya ug nagpakitambag sa mga batan-on nga nagtubo dungan kaniya nga nagtindog sa iyang atubangan.

2 Cronicas 25:16

Apan samtang nagsulti pa siya, ang hari miingon kaniya, “Naghimo ba kami kanimo nga magtatambag sa hari? Hunong! Ngano bang kinahanglang patyon ikaw?” Busa ang propeta mihunong ug miingon, “Ako nahibalo nga ang Dios nagtakda sa paglaglag kanimo tungod kay ikaw nagbuhat niini ug wala mamati sa akong tambag.”

2 Cronicas 25:20

Apan si Amasias wala mamati kay kadto gikan sa Dios, aron iyang itugyan sila ngadto sa kamot sa ilang mga kaaway tungod kay sila midangop sa mga diosdios sa Edom.

Nehemias 4:15

Sa pagkadungog sa among mga kaaway nga kini nahibaloan namo ug nga gipakyas sa Dios ang ilang laraw, namalik kaming tanan ngadto sa paril, ang matag usa ngadto sa iyang buhat.

Job 12:17

Iyang dad-on ang mga magtatambag nga hinuboan ug ang mga maghuhukom iyang himoong mga buang.

Salmo 9:15

Ang mga nasod nangahulog sa gahong nga ilang gibuhat; sa pukot nga ilang gitagoan, nagapos ang ilang kaugalingong tiil.

Salmo 9:16

Ang Ginoo nagpaila sa iyang kaugalingon, nagpahamtang siya ug paghukom; ang daotan nalit-ag sa buhat sa iyang kaugalingong mga kamot. Higgaion. Selah

Exodo 9:16

Apan gitugotan ko ikaw nga mabuhi alang niining maong tuyo, aron sa pagpakita kanimo sa akong gahom ug aron ang akong ngalan masangyaw sa tibuok kalibotan.

Mga Panultihon 19:21

Daghan ang mga plano sa kasingkasing sa usa ka tawo, apan ang katuyoan sa Ginoo mao ang molungtad.

Mga Panultihon 21:30

Walay kaalam, walay salabotan, walay tambag nga magpulos batok sa Ginoo.

Isaias 8:10

Pagsabot kamo, apan kini mahimong walay kapuslanan, isulti ang pulong apan dili kini mobarog, kay ang Dios ania nag-uban kanato.

Mga Pagbangotan 3:37

Kinsa ang nagsugo ug kini natuman, gawas kon ang Ginoo mao ang nagbuot niini?

Amos 9:3

Bisan pa ug magtago sila sa ilang kaugalingon didto sa kinatumyan sa Carmel, gikan didto pangitaon nako sila ug kuhaon; bisan pa ug motago sila gikan sa akong panan-aw sa ilalom sa dagat, didto sugoon nako ang bitin ug kini mopaak kanila.

Lucas 16:8

Ug ang agalon midayeg sa iyang limbongan nga piniyalan tungod sa kaabtik sa iyang pagpanglantaw niini, kay ang mga tawo niining kalibotana labaw ka igmat nga magpahigayon uban sa ilang isigkaingon kay sa mga anak sa kahayag.

1 Mga Taga-Corinto 3:19

Kay ang kaalam niining kalibotana binuang alang sa Dios. Kay nasulat, “Iyang dakpon ang mga maalamon diha sa ilang pagkamaalamon.”

Deuteronomio 2:30

Apan si Sihon nga hari sa Hesbon wala mopaagi kanato sa iyang kayutaan kay ang Ginoo nga inyong Dios nagpagahi sa iyang espiritu ug nagpatig-a sa iyang kasingkasing aron iyang itugyan siya sa inyong kamot sama niining adlawa.

Josue 11:20

Kay kadto buhat man sa Ginoo sa pagpagahi sa ilang mga kasingkasing, aron nga makig-away sila batok sa Israel aron malaglag gayod sila ug dili makadawat ug kaluoy, kondili aron mangapuo sumala sa gisugo sa Ginoo kang Moises.