2 Samuel 17:10

Ang Biblia 2011

Ug bisan ang isog nga tawo nga ang kasingkasing sama sa kasingkasing sa usa ka liyon, matunaw sa kahadlok, kay ang tibuok Israel nahibalo nga ang imong amahan usa ka gamhanan nga tawo ug sila nga kauban niya mga isog nga mga tawo.

Cross References

Genesis 49:9

Si Juda itoy sa liyon. Gikan sa mga tukbonon misaka ikaw, anak ko. Mikamang siya ug milayat sama sa liyon, sama siya sa liyon nga baye; kinsa ang mangahas sa pagpukaw kaniya?

2 Samuel 1:23

“Si Saul ug si Jonatan, mga pinalangga ug angayng higugmaon! Diha sa kinabuhi ug diha sa kamatayon wala sila magkabulag; sila tulin pa kay sa mga agila, sila kusgan pa kay sa mga liyon.

2 Samuel 17:9

Bisan gani karon siya mitago diha sa usa sa mga gahong o sa ubang dapit. Ug sa diha nga ang ubang mga tawo mangapukan sa unang pag-asdang, si bisan kinsa nga makadungog niana moingon, ‘Dihay dakong pagpamatay sa katawhan nga nagsunod kang Absalom.’

2 Samuel 23:20

Si Benaias nga anak ni Jehoiada usa ka isog nga tawo sa Kabseel, nga nakahimo ug dagkong mga buhat, siya ang nagpatay sa duha ka ariel sa Moab. Siya milugsong usab ug nakapatay ug usa ka liyon diha sa usa ka gahong usa ka adlaw niana nga nag-ulan ug yelo.

Salmo 89:19

Unya ikaw misulti diha sa panan-awon ngadto sa imong mga matinumanon, ug miingon, “Akong gipahimutang ang panabang ibabaw sa usa ka gamhanan, gibayaw nako ang usa ka pinili gikan sa katawhan.

Exodo 15:15

Unya ang mga kadagkoan sa Edom nangalisang; ang mga pangulo sa Moab nangurog; ang tanang nagpuyo sa Canaan nangatunaw.

Mga Panultihon 28:1

Ang daotan mopalayo bisan ug walay naggukod, apan ang matarong isog sama sa liyon.

Awit sa mga Awit 3:7

Tan-awa, kini mao ang lingkoranan ni Solomon! Naglibot niini ang 60 ka tawong gamhanan, gikan sa mga tawong kusgan sa Israel,

Isaias 13:7

Busa ang tanang mga kamot maluya, ug ang matag kasingkasing sa tawo matunaw,

Isaias 19:1

Ang mensahe mahitungod sa Ehipto. Tan-awa, ang Ginoo nagsakay sa usa ka tulin nga panganod ug moadto sa Ehipto; ug ang mga diosdios sa Ehipto mangurog sa iyang atubangan, ug ang kasingkasing sa mga Ehiptohanon matunaw sa sulod nila.

Ezequiel 21:15

aron ang ilang mga kasingkasing matunaw ug daghan gayod ang mapukan Diha sa ilang mga ganghaan akong gipahiluna ang nagpangidlap nga espada. Kini gihimo sama sa kilat, gipasinaw kini alang sa pagpatay.

Deuteronomio 1:28

Asa man kita motungas? Ang atong mga igsoon nagbugnaw sa atong mga kasingkasing ug miingon, “Ang mga tawo dagko ug tag-as kay kanato. Ang mga siyudad dagko ug kinutaan hangtod sa langit, ug dugang pa, nakita namo didto ang mga kaliwat sa mga Anakihanon.” ’

Mga Hebreo 11:34

gipalong nila ang bangis nga kalayo, nakaikyas sila sa sulab sa espada, nalig-on gikan sa kahuyang, nangahimo sila nga kusgan diha sa panggubatan, ilang gipatibulaag ang mga kasundalohang langyaw.

1 Samuel 16:18

Unya mitubag ang usa sa mga batan-ong lalaki, “Nakita nako ang usa ka anak ni Jesse nga taga-Betlehem, batid nga motugtog, isog nga tawo, tawo sa gubat, ugdang nga manulti, maayo ug barog ug ang Ginoo nag-uban kaniya.”

1 Samuel 18:17

Unya si Saul miingon kang David, “Ania karon ang akong kamagulangang anak nga babaye nga si Merab, siya akong ipaasawa kanimo. Pagmaisogon lamang alang kanako ug pagpakiggubat alang sa Ginoo.” Kay si Saul naghunahuna, “Dili unta itugot nga modapat ang akong kamot kaniya, kondili ang kamot sa mga Filistihanon ang padapaton kaniya.”