2 Samuel 16:9

Ang Biblia 2011

Unya si Abisai nga anak ni Zeruia miingon ngadto sa hari, “Ngano nga kining patay nga iro nagtunglo sa akong agalon nga hari? Paadtoa ako, ug lunggoon nako ang iyang ulo.”

Cross References

2 Samuel 19:21

Apan si Abisai nga anak ni Zeruia mitubag, “Dili ba angayng patyon si Simei tungod niini, tungod kay gitunglo niya ang dinihogan sa Ginoo?”

2 Samuel 19:22

Apan si David miingon, “Unsay labot nako kaninyo, kamong mga anak ni Zeruia, nga kamo niining adlawa mga kabatok nako? Kinahanglan ba nga adunay patyon niining adlawa sa Israel? Kay wala ba ako mahibalo nga ako niining adlawa hari sa Israel?”

2 Samuel 3:30

Busa si Joab ug si Abisai nga iyang igsoon mipatay kang Abner tungod kay siya mipatay sa ilang igsoon nga si Asahel sa panahon sa gubat didto sa Gibeon.

2 Samuel 3:8

Unya si Abner nasuko pag-ayo tungod sa mga pulong ni Isboset ug miingon, “Usa ba ako ka ulo sa iro sa Juda? Niining adlawa nagpakita ako ug pagkamaunongon ngadto sa panimalay ni Saul nga imong amahan, ngadto sa iyang mga kaigsoonan ug sa iyang mga kahigalaan, ug wala magtugyan kanimo ngadto sa kamot ni David, ug unya ikaw nagpasangil kanako niining adlawa sa usa ka sala mahitungod sa usa ka babaye.

2 Samuel 9:8

Ug siya mihatag ug katahoran, ug miingon, “Unsa ba kining imong sulugoon, nga mitan-aw man ikaw sa usa ka patay nga iro nga sama kanako?”

Exodo 22:28

“Ayaw kamo pagsulti ug daotan batok sa Dios o magtunglo sa tigdumala sa inyong katawhan.

Lucas 9:54

Ug sa pagkakita niini sa iyang mga tinun-an nga si Santiago ug si Juan, sila miingon kaniya, “Ginoo, buot ka ba nga magsugo kami ug kalayo sa pagkanaog gikan sa langit aron sa paglaglag kanila?”

Mga Buhat 23:5

Ug si Pablo miingon, “Mga igsoon, wala ako mahibalo nga siya diay labawng pangulong pari kay gisulat man, ‘Ayaw pagsulti ug daotan batok sa pangulo sa imong katawhan.’ ”

1 Pedro 2:17

Tahora ninyo ang tanang tawo. Higugmaa ninyo ang kaigsoonan. Kahadloki ninyo ang Dios. Tahora ninyo ang hari.

1 Samuel 24:14

Kinsa bay hinungdan sa paggula sa hari sa Israel? Kinsa ba ang imong gigukod? Usa ka iro nga patay! Usa ka pulgas!