2 Samuel 16:8

Ang Biblia 2011

Ang Ginoo nanimalos kanimo sa tanang dugo sa balay ni Saul diin ikaw naghari, ug ang Ginoo naghatag sa gingharian ngadto sa kamot sa imong anak nga si Absalom. Tan-awa, ang kadaotan anaa kanimo, tungod kay ikaw usa ka tawo sa dugo.”

Cross References

2 Samuel 1:16

Ug si David miingon kaniya, “Ang imong dugo maanaa sa ibabaw sa imong ulo kay ang imong baba nagsaksi batok kanimo, nga nag-ingon, ‘Gipatay nako ang dinihogan sa Ginoo.’ ”

2 Samuel 19:19

Ug siya miingon sa hari, “Dili unta ako pakasad-on sa akong agalon o mahinumdom kon giunsa paghimo ug daotan sa imong sulugoon sa adlaw nga ang akong agalon nga hari mibiya sa Jerusalem. Ayaw itugot nga ang hari magtipig niini diha sa iyang kasingkasing.

2 Samuel 19:21

Apan si Abisai nga anak ni Zeruia mitubag, “Dili ba angayng patyon si Simei tungod niini, tungod kay gitunglo niya ang dinihogan sa Ginoo?”

2 Samuel 21:1

Niadtong tungora dihay usa ka gutom sa panahon ni David sulod sa tulo ka tuig nga nagsunod-sunod ug si David nagpakitambag sa Ginoo. Ug ang Ginoo miingon, “Adunay kasal-anan si Saul ug ang iyang banay tungod kay iyang gipamatay ang mga Gibeonhanon.”

2 Samuel 21:9

Ug sila gitugyan niya ngadto sa mga kamot sa mga Gibeonhanon ug sila gibitay nila didto sa bukid sa atubangan sa Ginoo ug nangapukan pagdungan silang pito. Gipamatay sila sulod sa unang mga adlaw sa pag-ani, sa sinugdan sa pag-ani sa sebada.

1 Mga Hari 2:8

Ug anaa usab uban kanimo si Simei, ang anak nga lalaki ni Gera nga kaliwat ni Benjamin sa Bahurim, nga mitunglo kanako sa bug-at nga pagtunglo sa adlaw nga miadto ako sa Mahanaim. Apan sa nga diha siya mianhi aron sa pagpakigkita kanako sa Jordan, ug ako nanumpa kaniya tungod sa Ginoo nga nag-ingon, ‘Dili ko ikaw patyon pinaagi sa espada.’

Salmo 3:2

daghan ang nagsulti mahitungod kanako, “Walay tabang alang kaniya diha sa Dios.” Selah

Salmo 4:2

O katawhan, hangtod kanus-a ba nga ang akong dungog mapakaulawan? Hangtod kanus-a ba ang inyong paghigugma sa kakawangan, ug ang inyong pagpangita sa mga bakak? Selah

Salmo 55:3

sa kagahob sa kaaway, tungod sa pagpangdaogdaog sa mga daotan. Kay gipasangil nila kanako ang kadaotan, ug sa kasuko gidumtan nila ako.

Salmo 7:4

kon ako nagbalos ug daotan kaniya nga anaa sa pakigdait uban kanako, o giilogan nako ang akong kaaway bisan walay hinungdan,

Mga Panultihon 26:2

Sama sa goryon sa iyang paghaguros, sama sa langgam nga sayaw sa iyang paglupad, ang pagtunglo nga walay hinungdan dili modangat.

Gipadayag 16:6

Kay giula sa mga tawo ang dugo sa mga balaan ug sa mga propeta, ug gihatag nimo kanila ang dugo aron ilang imnon. Mao kini ang angay kanila!”

Mga Maghuhukom 9:24

nga tungod niana ang kapintas nga nahimo batok sa 70 ka anak ni Jerubaal mapanimaslan, ug ang ilang dugo mahulog sa ibabaw ni Abimelek nga ilang igsoon nga maoy nagpatay kanila, ug sa mga tawo sa Sekem, nga naglig-on sa iyang kamot aron sa pagpatay sa iyang igsoon nga lalaki.