2 Samuel 16:7

Ang Biblia 2011

Ug si Simei miingon samtang siya nanunglo, “Pahawa, pahawa, ikaw nga tawo sa dugo ug tawong walay hinungdan!

Cross References

2 Samuel 12:9

Nganong gitamay man nimo ang pulong sa Ginoo, sa pagbuhat ug daotan sa iyang panan-aw? Imong gipatay si Uria nga Hitihanon pinaagi sa espada ug mikuha sa iyang asawa aron mahimong imong asawa, ug gipatay nimo siya pinaagi sa espada sa mga Amonihanon.

2 Samuel 16:6

Ug iyang gilabay ug mga bato si David ug ingon man ang tanang mga sulugoon ni Hari David, ug ang tibuok katawhan ug ang tanang mga tawo nga kusgan diha sa iyang tuo ug sa iyang wala.

2 Samuel 19:21

Apan si Abisai nga anak ni Zeruia mitubag, “Dili ba angayng patyon si Simei tungod niini, tungod kay gitunglo niya ang dinihogan sa Ginoo?”

2 Samuel 20:1

Nahitabo nga didtoy usa ka daotang tawo nga ginganlan ug Seba nga anak ni Bikri nga kaliwat ni Benjamin, ug siya mipatingog sa trumpeta, ug miingon, “Kami walay bahin kang David, ug kami walay panulundon diha sa anak ni Jesse; ang matag tawo ngadto sa iyang tolda, O Israel!”

2 Samuel 3:37

Busa ang tibuok katawhan ug ang tibuok Israel nakasabot niadtong adlawa nga dili kabubut-on sa hari ang pagpatay kang Abner nga anak ni Ner.

1 Mga Hari 21:10

ug pagbutang ug duha ka daotang tawo atbang kaniya ug papasakaa sila ug sumbong batok kaniya nga mag-ingon, ‘Ikaw nagtunglo sa Dios ug sa hari.’ Unya dad-a siya sa gawas ug batoa siya hangtod mamatay.”

1 Mga Hari 21:13

Ug ang duha ka daotang tawo miabot ug milingkod atbang kaniya. Ug ang mga daotang tawo mipasaka ug sumbong batok kaniya sa atubangan sa katawhan nga nag-ingon, “Si Nabot nagtunglo sa Dios ug sa hari.” Busa gidala nila siya ngadto sa gawas sa siyudad ug gibato siya hangtod nga namatay.

Salmo 3:2

daghan ang nagsulti mahitungod kanako, “Walay tabang alang kaniya diha sa Dios.” Selah

Salmo 5:6

Laglagon nimo kadtong nagsulti ug mga bakak; ang Ginoo nagdumot sa mga tawong madugoon ug mga malimbongon.

Salmo 51:14

Luwasa ako gikan sa sala sa pagpatay, O Dios, ikaw nga Dios sa akong kaluwasan, ug ang akong dila mag-awit sa kusog mahitungod sa imong pagkamatarong.

Salmo 55:3

sa kagahob sa kaaway, tungod sa pagpangdaogdaog sa mga daotan. Kay gipasangil nila kanako ang kadaotan, ug sa kasuko gidumtan nila ako.

Salmo 55:4

Ang akong kasingkasing nag-antos sa hilabihan sa sulod nako, ug ang mga kalisang sa kamatayon milukop kanako.

Deuteronomio 13:13

may daotang mga tawo nga nanggula gikan sa taliwala ninyo, ug nagpahisalaag sa mga nagpuyo sa ilang lungsod, nga nag-ingon, ‘Mangadto kita ug mag-alagad sa lain nga mga dios,’ nga wala ninyo mailhi,

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.

1 Samuel 25:17

Busa karon hibaloi ug hunahunaa kon unsay imong buhaton, kay daotan ang gitinguha batok sa atong agalon ug batok sa tibuok niyang balay, ug siya usa ka tawo nga daotan ug batasan ug walay si bisan kinsa nga makasulti kaniya.”