2 Samuel 16:3

Ang Biblia 2011

Ug ang hari miingon, “Hain ang anak nga lalaki sa imong agalon?” Ug si Ziba miingon sa hari, “Nagpabilin siya didto sa Jerusalem kay siya miingon, ‘Niining adlawa iuli kanako sa balay sa Israel ang gingharian sa akong amahan.’ ”

Cross References

2 Samuel 16:4

Unya ang hari miingon kang Ziba, “Tan-awa, ang tanan nga iya ni Mefiboset maimoha na.” Ug si Ziba miingon, “Ako moyukbo. Itugot nga makakaplag ako ug kahimuot sa imong panan-aw, agalon ko nga hari.”

Salmo 101:5

Ang magbutangbutang sa iyang silingan diha sa tago laglagon nako. Ang mapahitas-on nga tinan-awan ug ang mapalabilabihon nga kasingkasing dili nako maantos.

Salmo 15:3

siya nga wala magbutangbutang pinaagi sa iyang dila, ug wala magbuhat ug daotan ngadto sa iyang higala, wala usab magpasipala batok sa iyang isigkatawo;

Salmo 88:18

Gihimo nimo nga ang akong hinigugma ug higala magpalayo kanako; ang akong mga kauban anaa sa kangitngitan.

Exodo 20:16

“Ayaw pagsaksi ug bakak batok sa imong isigkatawo.

Mga Panultihon 1:19

Ingon niini ang mga pamaagi sa tanan nga hakog sa ganansiya; kini nagkuha sa kinabuhi sa mga tag-iya niini.

Mga Panultihon 21:28

Ang usa ka bakakon nga saksi malaglag, apan ang pulong sa tawo nga namati molungtad sa dayon.

Miqueas 7:5

Ayaw pagsalig sa imong silingan, ayaw kamo pagsalig sa usa ka higala; bantayi ang pultahan sa imong baba gikan kaniya nga nagpauraray sa imong dughan;

Judas 1:11

Alaot sila! Kay sila naglakaw subay sa dalan ni Cain, ug tungod sa pagpanapi ilang gipatuyangan ang ilang kaugalingon ngadto sa sayop ni Balaam, ug nangalaglag diha sa pagsupil ni Korah.