2 Samuel 16:16

Ang Biblia 2011

Sa diha nga si Husai nga Arkihanon nga higala ni David miadto kang Absalom, si Husai miingon kang Absalom, “Mabuhi ang hari! Mabuhi ang hari!”

Cross References

2 Samuel 15:32

Sa diha nga naabot na si David sa kinatumyan, diin ang Dios gisimba, si Husai nga Arkihanon misugat kaniya nga gisi ang bisti ug may yuta sa iyang ulo.

2 Samuel 15:34

Apan kon mobalik ikaw ngadto sa siyudad, ug moingon kang Absalom, ‘Ako mahimong imong sulugoon, O hari, ingon nga ako nahimong alagad sa imong amahan sa miaging panahon, busa karon, ako mahimong imong alagad,’ ikaw mobuntog alang kanako sa tambag ni Ahitofel.

2 Samuel 15:37

Busa si Husai nga higala ni David miadto sa siyudad, sa diha nga si Absalom misulod sa Jerusalem.

1 Mga Hari 1:25

Kay milugsong siya niining adlawa ug naghalad ug mga baka ug mga pinatambok nga mga mananap ug mga karnero nga daghan kaayo ug nagdapit sa tanang mga anak nga lalaki sa hari, ug kang Joab nga tigmando sa kasundalohan ug kang Abiatar nga pari ug tan-awa, sila nangaon ug nanginom sa atubangan niya, ug nag-ingon, ‘Mabuhi ang hari nga si Adonias!’

1 Mga Hari 1:34

Ug padihogi siya didto kang Zadok nga pari ug kang Natan nga propeta ingon nga hari sa Israel ug patingoga ninyo ang trumpeta ug paninggit kamo, ‘Mabuhi si Hari Solomon!’

1 Mga Hari 4:5

si Asarias nga anak ni Natan mao ang pangulo sa mga tinugyanan; si Zabud nga anak ni Natan mao ang pari ug higala sa hari;

2 Mga Hari 11:12

Unya iyang gidala sa gawas ang anak sa hari ug gibutang ibabaw kaniya ang korona, ug gihatag kaniya ang pagpamatuod, ug gipaila siya nga hari, ug gidihogan siya, ug gipakpak nila ang ilang mga kamot ug nag-ingon, “Mabuhi ang hari!”

Daniel 2:4

Unya ang mga Caldeanhon miingon sa hari, diha sa pinulongan nga Aramaico, “O hari, mabuhi ka hangtod sa kahangtoran! Suginli ang imong mga alagad sa damgo, ug among ipadayag ang hubad.”

Daniel 5:10

Ang rayna, tungod sa mga pulong sa hari ug sa iyang mga kadagkoan, misulod sa balay nga gikombirahan ug ang rayna miingon, “O hari, mabuhi ka hangtod sa kahangtoran! Ayaw pagpalisang sa imong hunahuna o paluspara ang imong nawong.

Daniel 6:21

Unya si Daniel miingon sa hari, “O hari, mabuhi ikaw hangtod sa kahangtoran!

Daniel 6:6

Unya kining mga pangulo ug mga tinugyanan nagkahiusa sa pag-adto sa hari ug miingon kaniya, “O Hari Dario, mabuhi ikaw hangtod sa kahangtoran!

Mateo 21:9

Ug ang mga panon sa katawhan nga nag-una ug nagsunod kaniya naninggit nga nag-ingon, “Hosanna, sa Anak ni David! Dalaygon ang mianhi sa ngalan sa Ginoo! Hosanna sa kahitas-an!”

1 Samuel 10:24

Ug si Samuel miingon sa tanang katawhan, “Nakita ba ninyo ang tawo nga gipili sa Ginoo? Walay sama kaniya taliwala sa tibuok katawhan.” Ug ang tibuok katawhan naninggit, “Mabuhi ang hari!”