2 Samuel 16:10

Ang Biblia 2011

Apan ang hari miingon, “Unsay akong labot kaninyo, kamong mga anak ni Zeruia? Kon siya nanunglo tungod kay ang Ginoo miingon kaniya, ‘Tungloha si David,’ kinsa man unya ang moingon, ‘Nganong gibuhat man nimo kini?’ ”

Cross References

Genesis 50:20

Ug mahitungod kaninyo gihunahuna ninyo ang daotan batok kanako apan ang tuyo sa Dios alang sa kaayohan, aron pagluwas sa daghang katawhan karong adlawa.

2 Samuel 19:22

Apan si David miingon, “Unsay labot nako kaninyo, kamong mga anak ni Zeruia, nga kamo niining adlawa mga kabatok nako? Kinahanglan ba nga adunay patyon niining adlawa sa Israel? Kay wala ba ako mahibalo nga ako niining adlawa hari sa Israel?”

2 Samuel 19:23

Ug ang hari miingon kang Simei, “Ikaw dili mamatay.” Ug ang hari nanumpa kaniya.

2 Samuel 3:39

Ug ako niining adlawa luya, bisan ug dinihogan nga hari. Kining mga tawhana, ang mga anak ni Zeruia lisod kaayo alang kanako. Ang Ginoo magbalos sa tigbuhat ug daotan sumala sa iyang pagkadaotan!”

1 Mga Hari 17:18

Ug siya miingon kang Elias, “Unsa may inyong nasuk-an kanako, O tawo sa Dios? Mianhi ikaw aron sa pagpahinumdom kanako sa akong sala ug sa pagpatay sa akong anak!”

1 Mga Hari 2:5

“Dugang pa, ikaw nahibalo usab sa gibuhat kanako ni Joab nga anak ni Zeruia, kon unsa ang iyang gibuhat sa duha ka tigmando sa kasundalohan sa Israel, kang Abner nga anak ni Ner ug kang Amasa nga anak ni Jether, nga iyang gipamatay ug gipaagas niya ang dugo sa gubat panahon sa pakigdait ug gibutang ang dugo sa gubat sa ibabaw sa iyang bakos nga diha sa iyang hawak ug sa iyang mga sandalyas nga diha sa iyang mga tiil.

2 Mga Hari 18:25

Dugang pa niana, dili ba uban sa Ginoo nga ako mitungas batok niining dapita aron sa paglaglag niini? Ang Ginoo miingon kanako, ‘Sulonga kining yutaa ug laglaga kini.’ ”

Job 9:12

Tan-awa, nangsakmit siya; kinsay makapugong kaniya? Kinsay makaingon kaniya, ‘Unsay imong gibuhat?’

Salmo 39:9

Amang ako; dili ako magbuka sa akong baba, kay ikaw ang nagbuhat niini.

Ecclesiastes 8:4

Kay ang pulong sa hari gamhanan ug kinsa ang moingon kaniya, “Unsa ba ang imong gibuhat?”

Mga Pagbangotan 3:37

Kinsa ang nagsugo ug kini natuman, gawas kon ang Ginoo mao ang nagbuot niini?

Daniel 4:35

Ang tanang nagpuyo sa yuta giisip nga walay bili, ug siya nagbuhat sumala sa iyang kabubut-on diha sa panon sa langit ug taliwala sa mga nagpuyo sa yuta; ug walay makapugong sa iyang kamot o makaingon kaniya, “Unsa ang imong gibuhat?”

Mateo 16:23

Apan miliso siya ug miingon kang Pedro, “Pahawa sa akong atubangan, Satanas! Ikaw usa ka babag alang kanako kay ang imong gihunahuna dili ang mga butang nga iya sa Dios kondili ang mga butang nga iya sa mga tawo.”

Mateo 8:29

Ug misinggit sila nga nag-ingon, “Unsay imong tuyo kanamo, Anak sa Dios? Mianhi ba ikaw aron sa pagsakit kanamo sa dili pa ang panahon?”

Juan 18:11

Ug si Jesus miingon kang Pedro, “Iuli sa sakoban kanang imong espada. Dili ba diay nako imnon ang kupa nga gihatag kanako sa Amahan?”

Roma 9:20

Apan kinsa ka man, O tawo, nga motubag sa Dios? Ang gihulma moingon ba diay sa naghulma, “Nganong giingon man nimo ako pagbuhat niini?”

1 Pedro 2:23

Sa gisultihan siya ug pasipala, wala siya mobalos ug pasipala; sa nag-antos siya, wala siya manghulga; hinuon gitugyan niya ang iyang kaugalingon ngadto kaniya nga maghukom uban sa katarongan.

1 Samuel 26:19

Busa karon, papamatia ang akong agalon nga hari sa mga pulong sa iyang sulugoon. Kon ang Ginoo mao ang nag-aghat kanimo batok kanako, dawaton unta niya ang usa ka halad, apan kon ang mga tawo, tunglohon unta sila sa atubangan sa Ginoo, kay ako ilang gipapahawa niining adlawa aron nga ako dili mabahinan sa panulundon sa Ginoo, ug sila nag-ingon, ‘Lakaw, pag-alagad ug laing mga dios.’