2 Samuel 16:1

Ang Biblia 2011

Sa diha nga si David nakalabang na ug diyotay sa kinatumyan, si Ziba nga sulugoon ni Mefiboset misugat kaniya, uban ang duha ka asno nga gikargahan ug duha ka gatos ka buok pan, usa ka gatos ka pungpong nga pasas, usa ka gatos nga bunga sa ting-init ug usa ka sudlanang panit nga bino.

Cross References

2 Samuel 15:30

Unya si David mitungas sa tungasan sa Bukid sa mga Olibo, ug naghilak samtang nagtungas siya, nagtabon sa iyang ulo ug nagtiniil. Ug ang tanang katawhan nga didto uban kaniya nagtabon usab sa ilang ulo, ug nanungas nga naghilak usab.

2 Samuel 15:32

Sa diha nga naabot na si David sa kinatumyan, diin ang Dios gisimba, si Husai nga Arkihanon misugat kaniya nga gisi ang bisti ug may yuta sa iyang ulo.

2 Samuel 19:17

Mikuyog kaniya ang usa ka libo ka tawo nga gikan sa Benjamin. Ug si Ziba nga sulugoon sa balay ni Saul ug ang iyang napulo ug lima ka anak nga lalaki ug ang iyang 20 ka ulipon uban kaniya, midali paglugsong sa Jordan una sa hari.

2 Samuel 19:32

Tigulang na kaayo Barsilai, 80 na ka tuig ang panuigon. Siya ang naghatag ug pagkaon sa hari samtang nagpuyo pa siya sa Mahanaim, kay siya dato man kaayo nga tawo.

1 Cronicas 12:40

Ang ilang mga silingan usab nga gikan sa Isacar ug Zabulon ug Neftali nangadto, nagdala ug pan diha sa ilang mga asno ug sa mga kamilyo ug sa mga mula, ug sa mga baka, daghang mga pagkaon, mga torta nga hinimo gikan sa igos, mga pungpong sa mga ubas, ug bino ug lana, mga baka ug mga karnero kay may kalipay man diha sa Israel.

Mga Panultihon 18:16

Ang gasa sa usa ka tawo maghimo ug lawak alang kaniya, ug magdala kaniya sa atubangan sa mga dagkong tawo.

Jeremias 40:10

Mahitungod kanako, ako mopuyo sa Mispa, sa pagbarog alang kaninyo atubangan sa mga Caldeanhon nga moanhi kanato, apan mahitungod kaninyo pagtigom kamo ug bino ug mga bunga sa ting-init ug lana ug tigoma kini sa inyong mga sudlanan ug puyo kamo sa inyong mga siyudad nga inyong nailog.”

Jeremias 40:12

ang tanang mga Judio mibalik gikan sa tanang mga dapit diin sila aboga, ug nangadto sa yuta sa Juda, kang Gedalias didto sa Mispa, ug nagtigom sila ug daghang bino ug mga bunga sa ting-init.

Amos 8:1

Mao kini ang gipakita sa Ginoong Dios kanako: usa ka bukag sa bunga sa ting-init.

Miqueas 7:1

Alaot ako! Kay ako nahimong sama sa human na maani nga mga bunga sa ting-init, sama sa dihang gihagdawan na ang kaparasan, walay mga pungpong sa bunga nga makaon, walay unang hinog nga igera nga akong gitinguha.

1 Samuel 10:3

Unya ikaw magpadayon gikan didto hangtod nga ikaw moabot sa dakong kahoy sa Tabor; tulo ka tawo nga nagtungas ngadto sa Dios sa Betel ang mosugat kanimo, ang usa nagdala ug tulo ka nating kanding, ang usa nagdala ug tulo ka buok pan ug ang usa nagdala ug usa ka panit nga bino.

1 Samuel 16:20

Ug si Jesse nagkuha ug usa ka asno nga gikargahan ug pan ug usa ka panit nga sudlanan sa bino ug usa ka nating kanding, ug gipadala kang David nga iyang anak ngadto kang Saul.

1 Samuel 25:18

Unya si Abigail nagdali ug mikuha ug duha ka gatos ka pan, duha ka sudlanang panit nga bino, lima ka karnero nga inihaw, lima ka takos nga sinangag nga trigo, usa ka gatos ka pungpong nga paras ug duha ka gatos ka torta nga igera, ug gipahimutang kini diha sa mga asno.