2 Samuel 15:7

Ang Biblia 2011

Sa kataposan sa upat ka tuig, si Absalom miingon sa hari, “Ako naghangyo kanimo, palakta ako ug magbayad ako sa akong panaad nga akong gisaad sa Ginoo, didto sa Hebron.

Cross References

2 Samuel 13:38

Busa si Absalom mikagiw ug miadto sa Gesur ug didto siya magpuyo sulod sa tulo ka tuig.

2 Samuel 3:2

Kang David nangatawo ang mga anak nga lalaki didto sa Hebron, ug ang iyang kamagulangan mao si Amnon kang Ahinoam nga taga-Jesreel.

2 Samuel 3:3

Ang iyang ikaduha mao si Chileab, kang Abigail, ang asawa ni Nabal nga taga-Carmel, ug ang ikatulo mao si Absalom nga anak ni Maaca nga anak ni Talmai nga hari sa Gesur.

Mga Panultihon 21:27

Ang halad sa daotan usa ka dulumtanan; unsa pa kaha kon dad-on niya kini uban sa tuyo nga daotan.

Isaias 58:4

Tan-awa, kamo nagpuasa unya makig-away ug makigbingkil ug magsamad pinaagi sa kumo nga daotan. Ang pagpuasa sama sa inyong gihimo niining adlawa dili makapahimo sa inyong tingog nga madungog sa kahitas-an.

Mateo 2:8

Ug gipaadto niya sila sa Betlehem nga nag-ingon, “Adtoa ug pangitaa ninyo pag-ayo ang bata ug sa dihang makit-an na ninyo siya, balitai ako ninyo aron moadto usab ako sa pagsimba kaniya.”

Mateo 23:13

“Apan alaot kamong mga eskriba ug mga Pariseo, mga tigpakaaron-ingon! Kay gitakpan ninyo ang gingharian sa langit atubangan sa mga tawo, kay wala kamo mosulod ug wala usab motugot sa pagpasulod niadtong buot mosulod niini.

1 Samuel 16:13

Unya si Samuel mikuha sa sungay nga gisudlan sa lana ug gidihogan siya diha sa atubangan sa iyang mga igsoon ug ang Espiritu sa Ginoo mikunsad nga puno sa gahom sa ibabaw ni David sukad niadtong adlawa. Ug si Samuel mitindog ug miadto sa Rama.