2 Samuel 15:31

Ang Biblia 2011

Ug kini gisugilon kang David, “Si Ahitofel usa sa mga nakig-abin kang Absalom.” Ug si David miingon, “O Ginoo, ako naghangyo kanimo, himoa nga binuang ang tambag ni Ahitofel.”

Cross References

2 Samuel 15:12

Ug samtang si Absalom naghalad pa ug mga halad, iyang gipakuha si Ahitofel nga Gilohanon nga magtatambag ni David gikan sa iyang siyudad sa Gilo. Ug ang pag-alsa nagkadako ug ang katawhan nga uban kang Absalom nagkadaghan.

2 Samuel 16:23

Niadtong mga adlawa, ang tambag ni Ahitofel nga iyang gihatag daw sama nga ang usa ka tawo nagpakisayod sa pulong sa Dios, busa gitahod ni David ug ni Absalom ang tanang tambag ni Ahitofel.

2 Samuel 17:14

Ug si Absalom ug ang tanang mga tawo sa Israel miingon, “Ang tambag ni Husai nga Arkihanon maayo pa kay sa tambag ni Ahitofel.” Kay ang Ginoo nagsugo nga mabuntog ang maayong tambag ni Ahitofel, sa tuyo nga ang Ginoo makahimo ug daotan kang Absalom.

2 Samuel 17:23

Sa diha nga si Ahitofel nakakita nga ang iyang tambag wala tumana, gimontorahan niya ang iyang asno ug mipauli siya sa iyang kaugalingong siyudad. Ug gihusay niya ang iyang panimalay ug nagbitay sa iyang kaugalingon ug siya namatay ug gilubong sa lubnganan sa iyang amahan.

2 Samuel 17:5

Unya si Absalom miingon, “Tawga usab si Husai nga Arkihanon ug pamation nato kon unsa usab ang iyang isulti.”

2 Samuel 17:7

Unya si Husai miingon kang Absalom, “Ang tambag nga gihatag ni Ahitofel niining panahona dili maayo.”

Job 5:12

Iyang gipakyas ang mga laraw sa malimbongon, aron dili makakab-ot sa kalamposan ang ilang mga kamot.

Salmo 109:3

Gilibotan nila ako sa mga pulong sa pagdumot, ug mihasmag sila kanako sa walay hinungdan.

Salmo 3:1

O Ginoo, pagkadaghan sa akong mga kaaway! Daghan ang mga nakigbatok kanako;

Salmo 41:9

Bisan ang akong suod nga higala nga akong gisaligan, nga nagkaon sa akong pan, nag-isa sa iyang tikod batok kanako.

Salmo 55:10

Adlaw ug gabii sila naglibot niini ibabaw sa mga kuta niini; mga binuang ug kagubot anaa usab sa taliwala niini;

Salmo 55:12

Kay dili kaaway ang nagtamay kanako, makaantos ako niini; dili usab kabatok nako ang nagpahitaas batok kanako, busa makatago ako gikan kaniya.

Isaias 19:3

ug ang espiritu sa mga Ehiptohanon sa sulod nila mawala, ug akong libogon ang ilang mga laraw; ug sila magpakisayod sa mga diosdios ug sa mga tigsalamangka, ug sa mga tigpakisayod ug mga espiritu, ug sa mga tigpanglamat;

Isaias 44:25

nga nagpakyas sa mga timailhan sa mga bakakon, ug naghimo nga buang sa mga tigpanagna, nga nagpasibog sa mga tawo nga maalamon, ug naghimo sa ilang kahibalo nga binuang;

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’

1 Mga Taga-Corinto 1:20

Hain na man ang maalamon? Hain na man ang eskriba? Hain na man ang tiglantugi niining panahona? Wala ba himoang binuang sa Dios ang kaalam sa kalibotan?

Santiago 3:15

Dili kini mao ang kaalam nga naggikan sa kahitas-an kondili yutan-on, tawhanon ug yawan-on.