2 Samuel 15:24

Ang Biblia 2011

Unya miabot si Abiatar ug si Zadok usab uban sa tanang mga Levihanon nga nagdala sa sudlanan sa kasabotan sa Dios, ug gipahiluna nila ang sudlanan sa kasabotan sa Dios hangtod nga ang tanang katawhan nakalabay gikan sa siyudad.

Cross References

2 Samuel 15:27

Ang hari miingon usab kang Zadok nga pari, “Tan-awa, pauli sa imong siyudad uban ang kalinaw, ikaw ug si Abiatar, uban sa inyong duha ka anak nga lalaki, si Ahimaas nga imong anak, ug si Jonatan ang anak ni Abiatar.

2 Samuel 15:35

Dili ba uban man kanimo didto si Zadok ug si Abiatar nga mga pari? Busa bisan unsay imong madunggan gikan sa balay sa hari, isugilon kini kang Zadok ug kang Abiatar nga mga pari.

2 Samuel 20:25

Si Seva mao ang sekretaryo, ug si Zadok ug si Abiatar mao ang mga pari.

2 Samuel 6:13

Sa diha nga ang nagdala sa sudlanan sa kasabotan sa Ginoo nakalakaw ug unom ka lakang, naghalad siya ug usa ka baka ug usa ka pinatambok nga karnero.

2 Samuel 8:17

si Zadok nga anak ni Ahitub ug si Ahimelek nga anak ni Abiatar mao ang mga pari, si Seraias mao ang sekretaryo,

1 Mga Hari 1:8

Apan si Zadok nga pari ug si Benaias anak ni Jehoiada ug si Natan nga propeta ug si Semei ug Rei, ug ang kusgan nga mga tawo ni David wala manguban kang Adonias.

1 Mga Hari 2:26

Unya miingon ang hari kang Abiatar nga pari, “Lakaw ngadto sa Anatot sa imong yuta kay ikaw angay sa kamatayon. Apan ikaw dili nako patyon niining panahona kay ikaw nagdala sa sudlanan sa kasabotan sa Ginoong Dios sa atubangan ni David nga akong amahan, ug tungod kay ikaw nakig-ambit sa tanan nga kasakit sa akong amahan.”

1 Mga Hari 2:35

Ug ang hari mibutang kang Benaias nga anak ni Jehoiada ibabaw sa kasundalohan ingon nga puli kang Joab, ug ang hari mibutang kang Zadok nga pari ingon nga puli kang Abiatar.

1 Cronicas 15:2

Unya si David miingon, “Walay si bisan kinsa nga modala sa sudlanan sa kasabotan sa Dios gawas sa mga Levihanon, kay ang Dios nagpili kanila aron sa pagdala sa sudlanan sa kasabotan sa Dios ug sa pag-alagad kaniya hangtod sa kahangtoran.”

Ezequiel 48:11

Kini alang sa mga pari nga gibalaan, ang mga kaliwat ni Zadok nga nagtuman sa akong mga sugo, nga wala mahisalaag sa diha nga nahisalaag ang katawhan sa Israel, sama sa pagkahisalaag sa mga Levihanon.

Numeros 4:15

Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Numeros 7:9

Apan sa mga kaliwat ni Kohat wala siya maghatag, kay sila man ang gitugyanan sa pag-atiman sa balaang dapit nga mao ang ilang pas-anon.

Josue 3:3

Ug ilang gisugo ang katawhan, “Kon makita ninyo ang sudlanan sa kasabotan sa Ginoo nga inyong Dios nga giyayongan sa mga pari nga Levihanon, pamiya kamo sa inyong dapit ug sunod kamo niini,

Josue 3:6

Ug si Josue miingon sa mga pari, “Kuhaa ang sudlanan sa kasabotan ug agi kamo sa atubangan sa katawhan.” Ug gidala nila ang sudlanan sa kasabotan ug nag-una sila sa katawhan.

Josue 6:4

Ug ang pito ka pari magdala ug pito ka trumpeta nga sungay sa laking karnero nga mag-una sa sudlanan sa kasabotan. Ug sa ikapito nga adlaw pagmartsa kamo libot sa siyudad sa makapito ug ang mga pari magpatingog sa mga trumpeta.

Josue 6:6

Busa si Josue nga anak ni Nun mitawag sa mga pari ug miingon kanila, “Kuhaa ninyo ang sudlanan sa kasabotan ug ang pito ka pari padad-a ug mga trumpeta nga sungay sa karnero nga mag-una sa sudlanan sa Ginoo.”

1 Samuel 22:20

Apan usa sa mga anak ni Ahimelek nga anak ni Ahitub, nga ginganlan ug Abiatar, nakaikyas ug mikagiw sunod kang David.

1 Samuel 4:11

Ug ang sudlanan sa kasabotan sa Dios nailog ug ang duha ka anak ni Eli nga si Hopni ug si Pinehas gipamatay.