2 Samuel 15:20

Ang Biblia 2011

Ikaw miabot kagahapon pa lamang, himoon ba nako niining adlawa nga ikaw motungas ug molugsong uban kanamo, sa nakita nga ako moadto diin ako wala mahibalo? Pauli ug dad-a ang imong mga kaigsoonan, ang gugmang walay paglubad ug pagkamatinud-anon mag-uban unta kanimo.”

Cross References

2 Samuel 2:5

si David nagpadala ug mga sulugoon ngadto sa mga tawo sa Jabes-gilead, ug miingon kanila, “Panalanginan unta kamo sa Ginoo kay gipakita ninyo kining maong pagkamaunongon ngadto kang Saul nga inyong agalon ug gilubong ninyo siya!

2 Samuel 2:6

Karon ang Ginoo magpakita unta ug gugmang walay paglubad ug pagkamatinumanon nganha kaninyo! Ug ako magbuhat ug maayo nganha kaninyo kay kamo naghimo niining butanga.

Salmo 25:10

Ang tanang agianan sa Ginoo gugmang walay paglubad ug pagkamatinud-anon, alang niadtong nagtuman sa iyang kasabotan ug sa iyang mga pagpamatuod.

Salmo 56:8

Nag-isip ikaw sa akong mga paglatagaw; ibutang ang akong mga luha sa imong botilya! Wala ba kini diha sa imong basahon?

Salmo 57:3

Siya magpadala gikan sa langit ug magluwas kanako, iyang pakaulawan kadtong magyatak kanako. Selah Ang Dios magpadala sa iyang gugmang walay paglubad ug sa iyang pagkamatinud-anon.

Salmo 59:15

Magsuroysuroy sila sa pagpangita ug makaon, ug magngulob kon dili sila mabusog.

Salmo 61:7

Maghari unta siya hangtod sa kahangtoran atubangan sa Dios; himoa nga ang gugmang walay paglubad ug pagkamatinumanon magbantay kaniya!

Salmo 61:8

Sa ingon niini mag-awit ako ug mga pagdayeg sa imong ngalan kanunay, sa dihang magtuman ako sa akong mga panaad matag adlaw.

Salmo 85:10

Ang gugmang walay paglubad ug pagkamaunongon magtagbo; ang pagkamatarong ug ang pakigdait maghalok sa usa ug usa.

Salmo 89:14

Ang pagkamatarong ug ang kaangayan mao ang patukoranan sa imong trono; ang gugmang walay paglubad ug ang pagkamatinumanon mag-una kanimo.

Mga Panultihon 14:22

Wala ba mangasayop kadtong nagmugna ug daotan? Kadtong nagmugna ug maayo makakita ug pagkamaunongon ug pagkamatinumanon.

Mga Panultihon 3:3

Ayaw itugot nga ang pagkamaunongon ug pagkamatinumanon mobiya kanimo; ihigot kini sa imong liog, isulat kini sa papan sa imong kasingkasing.

Amos 8:12

Sila maglatagaw gikan sa usa ka dagat ngadto sa laing dagat, ug gikan sa amihanan ngadto sa silangan; managan sila ngadto-nganhi aron sa pagpangita sa pulong sa Ginoo, apan dili sila makakaplag niini.

Juan 1:17

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

1 Samuel 23:13

Unya si David ug ang iyang mga tawo nga mga unom ka gatos mitindog ug mibiya gikan sa Keila ug nangadto sa bisan diin nga dapit nga ilang kaadtoan. Ug sa dihang gisugilon kang Saul nga si David miikyas gikan sa Keila, wala siya mopadayon sa pag-adto.