2 Samuel 15:18

Ang Biblia 2011

Ang tanan niyang mga sulugoon miuna kaniya, ang tanang mga Keretihanon, ang tanang mga Peletihanon ug ang tanan nga 600 ka Gitihanon nga mikuyog kaniya gikan sa Gat nag-una sa hari.

Cross References

2 Samuel 15:17

Ug ang hari milakaw ug ang tibuok katawhan nagsunod kaniya, ug sila mihunong sa kataposang balay.

2 Samuel 18:2

Ug gipadala ni David ang kasundalohan, ang ikatulo nga bahin ubos sa pagmando ni Joab; ang usa sa ikatulo nga bahin ubos sa pagmando ni Abisai nga anak ni Zeruia ug igsoon ni Joab; ug ang usa sa ikatulo nga bahin, ubos sa pagmando ni Itai nga Gitihanon. Ug ang hari miingon sa mga tawo, “Ako usab mouban gayod kaninyo.”

2 Samuel 20:23

Niining higayona si Joab maoy nagmando sa tanang kasundalohan sa Israel, ug si Benaias nga anak ni Jehoiada maoy nagmando sa mga Keretihanon ug sa mga Peletihanon.

2 Samuel 20:7

Ug may mikuyog uban kaniya nga mga tawo ni Joab, ug mga Keretihanon, ug mga Peletihanon ug tanang mga isog nga tawo, ug nanggula sila sa Jerusalem aron sa paggukod kang Seba nga anak ni Bikri.

2 Samuel 6:10

Busa si David dili buot nga mabalhin ang sudlanan sa kasabotan sa Ginoo ngadto sa siyudad ni David apan gidala kini ni David ngadto sa balay ni Obed-edom nga Gitihanon.

2 Samuel 8:18

ug si Benaias nga anak ni Jehoiada maoy nangulo sa mga Keretihanon ug sa mga Peletihanon, ug ang mga anak nga lalaki ni David maoy mga pari.

1 Mga Hari 1:38

Busa si Zadok nga pari ug si Natan, nga propeta ug si Benaias nga anak ni Jehoiada, ug ang mga Keretihanon, ug ang mga Peletihanon nanglugsong, ug gipakabayo si Solomon sa mula ni Hari David ug gidala siya ngadto sa Gihon.

1 Cronicas 18:17

Si Benaias nga anak ni Jehoiada mao ang pangulo sa mga Keretihanon ug mga Peletihanon ug ang mga anak nga lalaki ni David mao ang mga labawng pangulo nga nag-alagad sa hari.

1 Samuel 23:13

Unya si David ug ang iyang mga tawo nga mga unom ka gatos mitindog ug mibiya gikan sa Keila ug nangadto sa bisan diin nga dapit nga ilang kaadtoan. Ug sa dihang gisugilon kang Saul nga si David miikyas gikan sa Keila, wala siya mopadayon sa pag-adto.

1 Samuel 25:13

Ug si David miingon sa iyang mga tawo, “Ang matag usa magtakin sa iyang espada!” Ug ang matag usa kanila mitakin sa iyang espada, ug si David nagtakin usab sa iyang espada, ug mga upat ka gatos ka tawo ang mikuyog kang David, samtang ang duha ka gatos mipabilin uban sa mga dala.

1 Samuel 27:3

Ug si David miipon kang Akis didto sa Gat, siya ug ang iyang mga tawo, matag tawo uban ang iyang panimalay ug si David uban sa iyang duha ka asawa, si Ahinoam nga taga-Jesreel, ug si Abigail nga taga-Carmel, ang asawa ni Nabal.

1 Samuel 27:4

Ug sa diha nga gisugilon kang Saul nga si David mikagiw ngadto sa Gat, siya wala na mangita kaniya pag-usab.

1 Samuel 30:1

Sa diha nga si David ug ang iyang mga tawo miabot sa Ziklag sa ikatulo nga adlaw, ang mga Amalekanhon misulong na sa Negeb ug sa Ziklag. Ilang nailog ang Ziklag ug gisunog kini sa kalayo,

1 Samuel 30:14

Kami misulong sa Negeb sa mga Keretihanon, sa Negeb nga sakop sa Juda, ug sa Negeb sa Caleb, ug gisunog namo ang Ziklag sa kalayo.”

1 Samuel 30:9

Busa si David migikan uban ang unom ka gatos ka tawo nga diha uban kaniya, ug miabot sila sa sapa sa Besor diin nagpabilin ang uban niyang sakop.