2 Samuel 15:14

Ang Biblia 2011

Si David miingon sa tanan niyang mga sulugoon nga didto uban kaniya sa Jerusalem, “Tindog ug mangikyas kita, kay kon dili, dili na kita makaikyas gikan kang Absalom. Magdali kita kay tingali unya ug maapsan kita dayon ug magdala ug kadaotan sa ibabaw nato, ug laglagon ang siyudad pinaagi sa sulab sa espada.”

Cross References

2 Samuel 12:11

Tungod niini ang Ginoo nag-ingon, ‘Tan-awa, patunghaon nako ang daotan batok kanimo gikan sa imong kaugalingong balay ug akong kuhaon ang imong mga asawa sa atubangan sa imong mga mata ug ihatag nako sila ngadto sa imong silingan ug siya mohigda tipon sa imong mga asawa sa adlawng dako.

2 Samuel 15:15

Ug ang mga sulugoon sa hari miingon sa hari, “Tan-awa, ang imong mga sulugoon andam na sa pagbuhat sa bisan unsa nga ipabuhat sa akong agalon nga hari.”

2 Samuel 19:10

Apan si Absalom nga atong gidihogan ibabaw kanato namatay sa gubat. Busa karon nganong wala kamoy gisulti mahitungod sa pagdala pagbalik sa hari?”

2 Samuel 19:9

Ug ang tibuok katawhan diha sa kagubot, ang tibuok banay sa Israel, nga nag-ingon, “Ang hari nagluwas kanato gikan sa kamot sa atong mga kaaway ug nagluwas kanato gikan sa kamot sa mga Filistihanon ug karon siya mibiya sa yuta gikan kang Absalom.

Salmo 51:18

Buhata ang maayo alang sa Zion, sumala sa imong maayong kabubut-on; patindoga pag-usab ang mga kuta sa Jerusalem,

Ezequiel 46:18

Ang pangulo dili makakuha gikan sa panulundon sa katawhan aron sa pagpapahawa kanila gikan sa ilang napanag-iya. Siya maghatag ug panulundon sa iyang mga anak nga lalaki gikan sa iyang kaugalingon nga katigayonan aron walay usa sa akong katawhan nga mapahawa gikan sa iyang katigayonan.”

Mateo 11:12

Sukad sa mga adlaw ni Juan nga Tigbautismo hangtod karon, ang gingharian sa langit nahiagom sa kapintas ug ang mga mapintas milugos sa pag-angkon niini.

Lucas 10:15

Ug ikaw, Capernaum, ituboy ka ba ngadto sa langit? Manaog ka hinuon ngadto sa Hades.