2 Samuel 15:12

Ang Biblia 2011

Ug samtang si Absalom naghalad pa ug mga halad, iyang gipakuha si Ahitofel nga Gilohanon nga magtatambag ni David gikan sa iyang siyudad sa Gilo. Ug ang pag-alsa nagkadako ug ang katawhan nga uban kang Absalom nagkadaghan.

Cross References

2 Samuel 15:31

Ug kini gisugilon kang David, “Si Ahitofel usa sa mga nakig-abin kang Absalom.” Ug si David miingon, “O Ginoo, ako naghangyo kanimo, himoa nga binuang ang tambag ni Ahitofel.”

2 Samuel 16:15

Unya si Absalom ug ang tibuok katawhan, ang mga tawo sa Israel, nangadto sa Jerusalem ug si Ahitofel uban kaniya.

2 Samuel 17:14

Ug si Absalom ug ang tanang mga tawo sa Israel miingon, “Ang tambag ni Husai nga Arkihanon maayo pa kay sa tambag ni Ahitofel.” Kay ang Ginoo nagsugo nga mabuntog ang maayong tambag ni Ahitofel, sa tuyo nga ang Ginoo makahimo ug daotan kang Absalom.

2 Samuel 17:23

Sa diha nga si Ahitofel nakakita nga ang iyang tambag wala tumana, gimontorahan niya ang iyang asno ug mipauli siya sa iyang kaugalingong siyudad. Ug gihusay niya ang iyang panimalay ug nagbitay sa iyang kaugalingon ug siya namatay ug gilubong sa lubnganan sa iyang amahan.

2 Samuel 23:34

si Elifelet nga anak ni Ahasbai nga taga-Maaca, si Eliam nga anak ni Ahitofel nga taga-Gilo,

1 Mga Hari 21:12

ilang gipahibalo ang usa ka pagpuasa ug gibutang si Nabot sa ibabaw taliwala sa katawhan.

1 Mga Hari 21:9

Ug siya miingon diha sa mga sulat, “Ipahibalo ang usa ka pagpuasa ug ipahimutang si Nabot ibabaw taliwala sa katawhan

1 Cronicas 27:33

Si Ahitofel maoy tigtambag sa hari ug si Husai nga Arkihanon mao ang higala sa hari.

Salmo 41:10

Apan ikaw, O Ginoo, kaluy-i ako ug patindoga ako, aron panimaslan nako sila.

Salmo 41:9

Bisan ang akong suod nga higala nga akong gisaligan, nga nagkaon sa akong pan, nag-isa sa iyang tikod batok kanako.

Mga Panultihon 15:8

Ang halad sa daotan usa ka dulumtanan sa Ginoo, apan ang pag-ampo sa matarong maoy iyang kalipay.

Mga Panultihon 21:27

Ang halad sa daotan usa ka dulumtanan; unsa pa kaha kon dad-on niya kini uban sa tuyo nga daotan.

Jeremias 6:20

Sa unsang tuyo nga midangat kanako ang insenso gikan sa Seba, o ang tam-is nga tubo gikan sa layong dapit? Ang inyong halad nga sunogon dili madawat, o ang inyong mga halad makapahimuot kanako.

Numeros 23:1

Unya si Balaam miingon kang Balak, “Pagpabarog dinhi ug pito ka halaran alang kanako ug andami ako ug pito ka torong baka ug pito ka laking karnero.”

Numeros 23:14

Ug siya midala kaniya ngadto sa kapatagan sa Sofim, ngadto sa kinatumyan sa Pisga, ug nagpabarog didto ug pito ka halaran ug naghalad ug usa ka torong baka ug usa ka laking karnero sa ibabaw sa matag halaran.

Numeros 23:30

Ug si Balak nagbuhat sumala sa giingon ni Balaam ug naghalad ug usa ka torong baka ug usa ka laking karnero ibabaw sa matag halaran.

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’

Tito 1:16

Sila nagpahayag nga nakaila sila sa Dios, apan naglimod kaniya pinaagi sa ilang mga binuhatan. Sila dulumtanan, masinupakon ug dili mapuslan alang sa tanang maayong buhat.

Josue 15:51

ang Gosen, ang Holon ug ang Gilo; napulo ug usa ka siyudad lakip ang mga balangay niini.