2 Samuel 14:7

Ang Biblia 2011

Karon ang tibuok panimalay mitindog batok sa imong sulugoon nga babaye ug sila miingon, ‘Ihatag siya nga nagpatay sa iyang igsoon nga lalaki, aron patyon namo siya alang sa kinabuhi sa iyang igsoon nga iyang gipatay,’ ug malaglag usab nila ang manununod. Sa ingon niini mapalong nila ang baga nga nahibilin kanako, ug walay mahibilin sa akong bana nga ngalan o salin sa ibabaw sa yuta.”

Cross References

Genesis 27:45

hangtod nga mawala na ang kaligutgot sa imong igsoon batok kanimo ug nga malimtan niya ang imong gibuhat kaniya, unya magsugo ako ug ipakuha ko ikaw gikan didto. Nganong mawad-an man ako kaninyong duha sa usa lamang ka adlaw?”

Genesis 4:14

Giabog nimo ako niining adlawa gikan niining yutaa, ug ako matago gikan sa imong atubangan, maglatagaw ug magtagotago ako sa kalibotan ug mahitabo nga si bisan kinsa nga makakita kanako, mopatay kanako.”

2 Samuel 12:17

Ug ang mga kadagkoan sa iyang balay nanindog tupad kaniya aron sa pagpatindog kaniya gikan sa yuta, apan midumili siya ug wala mokaon ug pagkaon uban kanila.

2 Samuel 14:6

Ug ang imong sulugoon nga babaye may duha ka anak nga lalaki, ug silang duha nag-away didto sa kapatagan ug walay si bisan kinsa nga nakaulang kanila, ug ang usa mitigbas sa usa ug mipatay kaniya.

2 Samuel 14:8

Unya ang hari miingon sa babaye, “Lakaw ngadto sa imong balay ug maghimo ako ug kasugoan mahitungod kanimo.”

Numeros 35:19

Ang manimalos sa dugo mao gayod ang mopatay sa mamumuno; sa diha nga ikatagbo niya ang mamumuno, patyon niya kini.

Mateo 21:38

Apan sa pagkakita sa mga saop sa anak, sila miingon sa ilang kaugalingon, ‘Mao kini ang manununod. Tana, patyon nato siya aron maato ang iyang panulondon.’

Deuteronomio 25:6

Ug ang unang anak nga lalaki nga iyang ipanganak, maoy modala sa ngalan sa iyang igsoon nga namatay, aron ang ngalan niini dili mapala sa Israel.