2 Samuel 14:32

Ang Biblia 2011

Ug si Absalom mitubag kang Joab, “Tan-awa, gipasugoan ko ikaw, ‘Anhi dinhi, aron paadtoon ko ikaw ngadto sa hari aron mangutana, “Nganong mianhi ako gikan sa Gesur? Maayo alang kanako nga didto pa gihapon ako.” Busa karon paadtoa ako sa atubangan sa hari ug kon aduna akoy sala ipapatay ako niya.’ ”

Cross References

Genesis 3:12

Ug ang tawo miingon, “Ang babaye nga gihatag nimo kanako aron akong ikauban, siya ang naghatag kanako sa bunga sa kahoy, ug mikaon ako.”

2 Samuel 13:37

Apan si Absalom mikagiw ug miadto kang Talmai nga anak nga lalaki ni Amihud, ang hari sa Gesur. Ug nagbangutan si David tungod sa iyang anak sa matag adlaw.

2 Samuel 14:31

Unya mitindog si Joab ug miadto kang Absalom, ngadto sa iyang balay ug miingon kaniya, “Nganong gisunog sa imong mga sulugoon ang akong uma?”

2 Samuel 3:3

Ang iyang ikaduha mao si Chileab, kang Abigail, ang asawa ni Nabal nga taga-Carmel, ug ang ikatulo mao si Absalom nga anak ni Maaca nga anak ni Talmai nga hari sa Gesur.

Salmo 36:2

Kay nag-ulog-ulog siya diha sa iyang kaugalingong nga mata, nga ang iyang kadaotan dili makaplagan ug dili dumtan.

Exodo 14:12

Dili ba mao man kini ang gisulti namo kanimo didto sa Ehipto, ‘Pasagdi lamang kami nga mag-alagad sa mga Ehiptohanon’? Kay maayo pa alang kanamo ang pag-alagad sa mga Ehiptohanon kay sa mangamatay kami sa kamingawan.”

Exodo 16:3

Ug ang katawhan sa Israel miingon kanila, “Maayo pa ug nangamatay kami pinaagi sa kamot sa Ginoo didto sa Ehipto sa dihang naglingkod kami tupad sa mga kulon sa mga unod ug nagkaon ug pan hangtod sa mabusog. Kay kamo nagdala kanamo dinhi niining kamingawan aron sa pagpatay niining tibuok nga katilingban pinaagi sa gutom.”

Exodo 17:3

Apan ang katawhan giuhaw ug tubig ug nagbagulbol sila batok kang Moises ug miingon, “Ngano bang gidala man kami nimo gikan sa Ehipto aron patyon sa kauhaw, kami ug ang among mga anak ug ang among kahayopan?”

Mga Panultihon 28:13

Siya nga nagtabon sa iyang kalapasan dili mouswag, apan siya nga nagsugid ug nagbiya niini makakab-ot ug kaluoy.

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Mateo 25:44

Ug motubag usab sila nga mag-ingon, ‘Ginoo, kanus-a ba kami makakita kanimo nga gigutom o giuhaw o dumuduong o hubo o masakiton o binilanggo, ug nga wala ikaw namo alagari?’

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

1 Samuel 15:13

Si Samuel miadto kang Saul, ug si Saul miingon kaniya, “Panalanginan unta ikaw sa Ginoo! Ako nagbuhat sa sugo sa Ginoo.”

1 Samuel 20:8

Busa ayoha pagtagad ang imong sulugoon kay imong gidala ang imong sulugoon ngadto sa usa ka kasabotan sa Ginoo uban kanimo. Apan kon aduna akoy sala, pangunayi ako pagpatay, kay nganong dad-on pa man ako nimo ngadto sa imong amahan?”