2 Samuel 14:28

Ang Biblia 2011

Busa si Absalom mipuyo sa tibuok duha ka tuig didto sa Jerusalem ug wala gayod moadto sa atubangan sa hari.

Cross References

Genesis 33:10

Ug si Jacob miingon, “Dili, naghangyo ako kanimo. Kon ako nakakaplag karon ug kahimuot diha sa imong mga mata, dawata ang akong gasa gikan sa akong mga kamot, kay sa pagkatinuod, ang pagkakita nako sa imong nawong, sama sa pagkakita nako sa nawong sa Dios, kay gidawat nimo ako uban ang kahimuot.

Genesis 43:3

Apan si Juda miingon kaniya, “Ang tawo nagpahayag gayod kanamo nga nag-ingon, ‘Dili na kamo makakita sa akong nawong gawas kon ang inyong igsoon nga lalaki uban kaninyo.’

2 Samuel 14:24

Ug ang hari miingon, “Itugot nga mopauli siya sa iyang balay, apan dili siya moanhi sa akong atubangan.” Busa si Absalom mibalik sa iyang kaugalingong balay ug wala moadto sa atubangan sa hari.

2 Samuel 14:29

Unya gipasugoan ni Absalom si Joab, aron sa pagpadala kaniya ngadto sa hari apan si Joab wala moadto kaniya. Ug iyang gipaadtoan sa ikaduhang higayon, apan si Joab wala gayod moadto.

1 Mga Hari 1:53

Busa nagsugo si Hari Solomon ug gipakanaog nila siya gikan sa halaran. Ug siya miadto ug mihatag ug katahoran kang Hari Solomon, ug si Solomon miingon kaniya, “Pauli ngadto sa imong balay.”

1 Mga Hari 2:36

Unya gipatawag sa hari si Simei ug giingnan siya, “Pagtukod ug balay alang sa imong kaugalingon didto sa Jerusalem ug pagpuyo didto, ug ayaw pag-adto gikan didto ngadto sa bisan diin.

Mateo 18:10

“Matngoni ninyo nga walay usa niining mga gagmay nga inyong tamayon kay sultihan ko kamo nga didto sa kalangitan ang ilang mga anghel kanunayng nagsud-ong sa nawong sa akong Amahan nga anaa sa langit.