2 Samuel 14:25

Ang Biblia 2011

Karon sa tibuok Israel walay usa nga gidayeg pag-ayo tungod sa iyang kaambongan gawas kang Absalom, gikan sa lapalapa sa iyang tiil hangtod sa alimpulo sa iyang ulo walay ikasaway kaniya.

Cross References

1 Mga Hari 1:6

Ang iyang amahan wala gayod makapasubo kaniya, bisan sa pagpangutana, “Nganong gibuhat nimo ang ingon niana?” Siya usab usa ka tawo nga ambungan ug siya natawo sunod kang Absalom.

Job 2:7

Busa milakaw si Satanas gikan sa atubangan sa Ginoo, ug gipaantos si Job pinaagi sa mga hubag nga makalilisang, gikan sa lapalapa sa iyang tiil hangtod sa alimpulo.

Mga Panultihon 31:30

Ang katahom malimbongon ug ang kaanyag kakawangan lamang, apan ang usa ka babaye nga may kahadlok sa Ginoo angayng dayegon.

Isaias 1:6

Gikan sa lapalapa sa tiil bisan hangtod sa ulo, walay maayo diha niini, apan mga samad ug bun-og ug mga pangos; kini wala pa mapuga o mabugkosi o mahidhiri ug lana.

Ezequiel 23:15

binaksan ug mga bakos ang ilang mga hawak, uban sa mga purong nga nagbitay sa ilang mga ulo. Silang tanan daw mga tinugyanan, usa ka hulagway sa mga taga-Babilonia nga ang yuta nga ilang natawhan mao ang Caldea.

Daniel 1:4

mga batan-on nga walay apan sa lawas, ambongan ug batid sa tanang kaalam, tinugahan sa kahibalo, hait ug salabotan, ug takos sa pag-alagad sa palasyo sa hari, ug sa pagtudlo kanila sa mga letra ug sa pinulongan sa mga Caldeanhon.

Mateo 23:27

“Alaot kamong mga eskriba ug mga Pariseo, mga tigpakaaron-ingnon! Kay sama kamo sa mga gipaputi nga pantiyon, nga sa gawas nindot tan-awon apan sa sulod puno kini sa mga bukog sa mga patay ug sa tanang hugaw.

Mga Taga-Efeso 5:27

aron nga sa iyang atubangan ang iglesia ikahalad diha sa iyang katahom, walay buling o kunot o bisan unsa nga sama niini, aron siya mahimong balaan ug dili masaway.

Deuteronomio 28:35

Hampakon kamo sa Ginoo diha sa inyong mga tuhod ug sa mga paa pinaagi sa usa ka makalilisang nga hubag nga niini dili gayod kamo maayo sukad sa lapalapa sa inyong tiil hangtod sa inyong alimpulo.

1 Samuel 16:7

Apan ang Ginoo miingon kang Samuel, “Ayaw pagtan-aw sa iyang nawong o sa gitas-on sa iyang barog tungod kay ako nagsalikway kaniya, kay ang Ginoo nagtan-aw dili ingon sa makita sa tawo, kay ang tawo nagtan-aw sa panagway sa gawas apan ang Ginoo nagtan-aw sa kasingkasing.”

1 Samuel 9:2

Siya adunay usa ka anak nga lalaki nga ginganlan ug Saul, batan-on ug ambongan. Walay bisan usa sa katawhan sa Israel nga makalabaw sa iyang pagkaambongan. Siya ang labing taas kay ang uban tagaabaga man lamang niya.