2 Samuel 14:19

Ang Biblia 2011

Ug ang hari miingon, “Ang kamot ni Joab uban ba kanimo niining tanan?” Ug ang babaye mitubag ug miingon, “Ingon nga ikaw buhi, akong agalon nga hari, walay si bisan kinsa nga makapaliso ngadto sa tuo o sa wala gikan sa mga butang nga gipamulong sa akong agalong hari. Ang imong sulugoon nga si Joab mao ang nagsugo kanako, siya ang nagbutang niining mga pulong sa baba sa imong sulugoon.

Cross References

2 Samuel 11:11

Si Uria miingon kang David, “Ang sudlanan sa kasabotan ug ang Israel ug ang Juda nagpuyo sa balongbalong, ug ang akong agalon nga si Joab ug ang mga sulugoon sa akong agalon nagkampo sa hawan nga kapatagan, moadto ba diay ako sa akong balay aron mokaon ug moinom ug makigdulog sa akong asawa? Ingon nga ikaw buhi, ug ingon nga ang imong kalag buhi, dili nako buhaton kining butanga.”

2 Samuel 14:18

Unya ang hari mitubag sa babaye, “Ayaw itago gikan kanako ang butang nga akong ipangutana kanimo.” Ug ang babaye miingon, “Pasultiha ang akong agalong hari karon.”

2 Samuel 14:3

Unya lakaw ngadto sa hari ug sultihi niining paagiha.” Gitudloan siya ni Joab kon unsay isulti.

2 Samuel 18:13

Sa laing bahin, kon ako magbuhat ug daotan batok sa iyang kinabuhi, (ug walay butang nga matago sa hari), ikaw dili mangilabot.”

2 Samuel 3:27

Ug sa pagbalik ni Abner sa Hebron, gidala siya ni Joab ngadto sa taliwala sa ganghaan aron sa pagpakigsulti kaniya sa tago, ug didto gidunggab niya siya diha sa tiyan, nga tungod niana namatay siya tungod sa dugo sa igsoon ni Joab nga si Asahel.

2 Samuel 3:29

Mahiadto unta sa ulo ni Joab, ug sa ibabaw sa tibuok panimalay sa iyang amahan, ug dili unta kawad-an ang banay ni Joab ug tawo nga may nag-agos o usa ka sanlahon o kadtong magkupot sa kalinyas o kadtong mapukan pinaagi sa espada o kadtong makabsan ug pan!”

2 Samuel 3:34

Ang imong mga kamot wala gapusa, ang imong mga tiil wala hikti; sama sa usa ka tawo nga mapukan sa atubangan sa mga daotan ikaw napukan.” Ug ang tibuok katawhan nagbangutan pag-usab tungod kaniya.

2 Mga Hari 2:2

Ug si Elias miingon kang Eliseo, “Pabilin dinhi kay ang Ginoo nagpadala kanako hangtod sa Betel.” Apan si Eliseo miingon, “Ingon nga ang Ginoo buhi, ug ingon nga ikaw buhi, ako dili mobiya kanimo.” Busa sila milugsong ngadto sa Betel.

Exodo 4:15

Ug ikaw mosulti kaniya ug magbutang sa mga pulong sa iyang baba ug ako mag-uban sa imong baba ug sa iya usab ug ako magtudlo kaninyo sa inyong buhaton.

Mga Panultihon 25:2

Maoy himaya sa Dios ang pagtago sa usa ka butang, apan ang himaya sa mga hari mao ang pagsusi sa usa ka butang.

Mga Panultihon 4:27

Ayaw pagliko ngadto sa tuo o ngadto sa wala; ilikay ang imong tiil gikan sa daotan.

Numeros 20:17

Naghangyo ako kanimo, paagia kami sa imong yuta. Dili kami moagi sa darohan o sa parasan o moinom ug tubig sa mga atabay. Mosubay lamang kami sa Dalan sa Hari; dili kami motipas sa tuo o sa wala hangtod nga kami makalatas na sa imong yuta.”

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

Deuteronomio 28:14

ug kon dili kamo motipas gikan sa bisan unsa sa mga pulong nga gisugo nako kaninyo niining adlawa, ngadto sa tuo o sa wala, aron sa pagsunod sa laing mga dios sa pag-alagad kanila.

Deuteronomio 5:32

Busa pagmatngon kamo sa pagbuhat sumala sa gisugo kaninyo sa Ginoo nga inyong Dios. Ayaw kamo pagtipas ngadto sa tuo o ngadto sa wala.

Josue 1:7

Pagmalig-on lamang ug pagmaisogon gayod nga magmatngon sa pagbuhat sumala sa tanang balaod nga gisugo kanimo ni Moises nga akong alagad. Ayaw pagtipas gikan niini, ngadto sa tuo o ngadto sa wala, aron magmalamposon ikaw bisan asa ka moadto.

1 Samuel 1:26

Ug si Hana miingon, “O akong agalon! Ingon nga ikaw buhi pa, akong agalon, ako kadtong babaye nga mitindog dinhi sa imong atubangan ug nag-ampo sa Ginoo.

1 Samuel 17:55

Sa diha nga si Saul nakakita nga si David miadto batok sa Filistihanon, siya miingon kang Abner, ang tigmando sa kasundalohan, “Abner, kang kinsang anak kining batan-on?” Si Abner miingon, “Ingon nga ikaw buhi, O hari, dili ako makasugilon.”

1 Samuel 20:3

Apan si David nanumpa pag-usab, “Ang imong amahan nahibalo kaayo nga ako nakapahimuot sa imong mga mata ug siya miingon, ‘Ayaw pahibaloa si Jonatan niini kay tingali unya ug masubo siya.’ Sa pagkatinuod, ingon nga ang Ginoo buhi, ug ingon nga ang imong kalag buhi, usa na lamang ka lakang ang nakaulang kanako ug sa kamatayon.”

1 Samuel 25:26

Busa karon, akong agalon, ingon nga ang Ginoo buhi, ug ingon nga ang imong kalag buhi, sa nakita nga ang Ginoo nagpugong kanimo gikan sa pagpakasala tungod sa dugo, ug gikan sa pagpanimalos pinaagi sa imong kaugalingong kamot, busa karon himoa nga ang imong mga kaaway ug sila nga nangita ug kadaotan sa akong agalon mahisama kang Nabal.